कैलालीको गोदावरीमा ४६ जना नेता तथा कार्यकर्ताले एमाले त्यागे

राजनीति

गृहपृष्ठ
राजनीति
कैलालीको गोदावरीमा ४६ जना नेता तथा कार्यकर्ताले एमाले त्यागे

कैलालीको गोदावरीमा ४६ जना नेता तथा कार्यकर्ताले एमाले त्यागे

सोमबार, पुस २२, २०८१ गोदावरी न्युज

कैलालीमा नेकपा एमालेका ४६ जनाले पार्टी परित्याग गरेका छन् । उनिहरु सबै गोदावरी नगरपालिका -२ का रहेका छन् । राजिनामा दिने पूर्व माओवादी धारका रहेको बुझिएको छ ।

उनीहरूले एमाले भएर बस्दा पनि पटक पटक अपमानित हुनुपर्ने, राजनीतिक रूपमा पूर्वमाओवादी भनेर अपहेलित हुनुपर्ने लगायत आरोप लगाउँदै पुस ११ गते गोदावरी नगर अध्यक्षलाई राजीनामा बुझाएका थिए ।

‘एमाले भएर बस्दा पनि हामीले पटक–पटक अपमानित हुनुपर्ने राजनीतिको रूपमा पूर्व माओवादी भनेर अपहेलित हुनुपर्ने, मूल नेतृत्व के विरुद्ध तलै सम्म गुटबन्दी गर्ने परम्परा भित्र अब बस्न सकिन्न भन्ने निष्कर्षमा हामी पुगेकै हो’, राजीनामामा भनिएको छ । ‘तत्कालीन नेकपा (एमाले) र नेकपा (माओवादी केन्द्र) मिलेर नेपाल कम्युनिस्ट पार्टी बनेपछि यस क्षेत्रका नेता कार्यकर्ता उत्साही बनेको तर त्यो एकता मुख्य नेताहरू को आपसी लडाईको कारणले टिक्न नसकेको उनीहरूको आरोप छ ।

तत्कालीन माओवादीले गरेको ठुलो क्रान्ति जनयुद्धलाई कसैले पनि इन्कार गर्न नसक्ने भन्दै उनीहरूले अहिलेको गणतन्त्र, सङ्घीयता, समावेशिता सबै जनयुद्धकै जगमा आएका बताएका छन् ।

rajinamaa 11736152112.jpg