स्व. पत्रकार शाहीको सम्झनामा अत्तरियाको सेभ हाउसमा फलफुल र खाध्यान्न सहयोग

समाज

गृहपृष्ठ
समाज
स्व. पत्रकार शाहीको सम्झनामा अत्तरियाको सेभ हाउसमा फलफुल र खाध्यान्न सहयोग

स्व. पत्रकार शाहीको सम्झनामा अत्तरियाको सेभ हाउसमा फलफुल र खाध्यान्न सहयोग

मंगलबार, असोज २०, २०७७ गोदावरी न्युज

अत्तरिया - ६ बर्ष पहिले डोटीको जोरायलमा भएको बस दुर्घटना परी ज्यान गुमाएको स्वर्गिय पत्रकार कर्ण शाहीको सम्झनामा अत्तरियाको महिला तथा बालबालिका सेभ हाउसलाई फलफुल र खाध्यान्न सहयोग गरिएको छ ।

अनाथ एबम् असहाय महिला तथा बालबालिकालाई संरक्षण दिदै आएको गोदावरी नगरपालिका वडा नं २ मा रहेको महिला तथा बालबालिका सेभ हाउसलाई स्वर्गिय पत्रकार शाहीको परिवारले फलफुल र खाध्यान्न सहयोग गरेका हुन् । छैठौ वार्षिक पुण्यतिथिको अवसर पारी सेभ हाउसलाई चामल , दाल , नुन , बिस्कुट , भुजिया र फलफुल सहयोग गरेको स्व. पत्रकारका भाई प्रकाश शाहीले बताए ।

सो समाग्री स्व. पत्रकारकी आमा गोमादेवी शाही , भाई प्रकाश शाही र भाई बुहारी बेनिजा शाहीले संयुक्त रुपमा सेभ हाउसकी अध्यक्ष जानकी मलासीलाई हस्तान्तरण गरेका हुन् । साथै बैतडीका पत्रकार महेश अवस्थीका छोरा सिबान्शको स्वास्थ्य उपचारमा सहयोग पुर्याउनको लागि केही नगद समेत सहयोग गरेको भाई प्रकाश शाहीले बताए ।

यस अघि उनले दाईको सम्झनामा कैलाली कञ्चनपुरका बिभिन्न अनाथालय , अस्पतालहरुमा खाध्यान्न तथा फलफुलहरु सहयोग गर्दै आएका थिए ।

एक दशक भन्दा बढी समय देखि पत्रकारितामा सक्रिय शाही आर्थिक अभियान दैनिकका सुदूरपश्चिम ब्यूरो प्रमुख र कैलालीको धनगढीबाट प्रकाशन हुने लेखाजोखा पत्रीकाको प्रकासक तथा सम्पादक रहेका थिए ।

प्रकाशित मिति: मंगलबार, असोज २०, २०७७ १२:५६