प्रतिकिलो ६० रुपैयाँमा प्याजको बिक्रीवितरण सुरु

कृषि

गृहपृष्ठ
कृषि
प्रतिकिलो ६० रुपैयाँमा प्याजको बिक्रीवितरण सुरु

प्रतिकिलो ६० रुपैयाँमा प्याजको बिक्रीवितरण सुरु

शनिबार, असोज १०, २०७७ गोदावरी न्युज

काठमाण्डौ –खाद्य व्यवस्था तथा व्यापार कम्पनी लिमिटेडले प्रतिकिलो ६० रुपैयाँमा प्याजको बिक्रीवितरण सुरु गरेको छ ।

लिमिटेडको थापाथली बिक्रीकक्षबाट प्रतिकिलो ६० रुपैयाँमा सर्वसाधारणलाई प्याज बिक्री गरेको हो । सरकारले बजार अनुगमनका क्रममा बढी मूल्य लिई बिक्री गर्न लागेको प्याजलाई जफत गरी बजार मूल्यमा बिक्री गर्न थालेको हो ।

काठमाण्डौका प्रमुख जिल्ला अधिकारी जनकराज दाहालले खाद्य व्यवस्था तथा व्यापार कम्पनी लिमिटेडको थापाथली बिक्रीकक्षबाट सर्वसाधारणलाई ६० रुपैयाँमा प्याज उपलब्ध गराउँदै आएको जानकारी दिनुभयो । उहाँका अनुसार बजार अनुगमनका क्रममा १४ हजार ६ सय किलो प्याज सरकारले बरामद गरेको छ । एक जनालाई तीन किलोसम्म दिन थालेको पनि उहाँले बताउनुभयो ।

उहाँका अनुसार ५२ रुपैयाँ राजस्व र ८ रुपैयाँ खाद्य कम्पनीको खातामा जम्मा गरिनेछ । काठमाण्डौ उपत्यकामा प्याजको मूल्य १ सय २० सम्म पुगेपछि उद्योग, वाणिज्य तथा आपूर्तिमन्त्री लेखराज भट्टले बजार अनुगमन समेत गर्नुभएको थियो ।रासस

प्रकाशित मिति: शनिबार, असोज १०, २०७७ १३:१७