अत्तरिया - अहिले देशभरको मौसम परिर्वतन भएको छ । मौसम पुन सक्रिय भएसंगै देशभर केही स्थानमा बर्षा भैरहेको छ । आज देशभरका अधिकांश स्थानमा मौसममा आंशिक बदली रही धेरै स्थानहरुमा हल्का देखि मध्यम वर्षाको सम्भावना रहेको जल तथा मौसम पूर्वानुमान महाशाखाले जनाएको छ । े
पालको तराई भूभाग नजिक मनसुनी न्युन चापीय रेखा अवस्थित रहेकाले बर्षाको सम्भावना रहेको हो । प्रदेश १, प्रदेश २, बागमती, गण्डकी र प्रदेश ५ का थोरै स्थानहरुमा तथा कर्णाली र सुदूरपश्चिम प्रदेशका केही स्थानहरुमा मेघगर्जन, चट्याङ्सहित भारी वर्षाको सम्भावना रहेको मौसमविद्ले बताएका छन् ।
देशभर हाल मनसुनी वायुको प्रभाव रहेको छ । बर्षासगै विभिन्न नदिमा बाढी आउन सक्ने भन्दै जल तथा मौसम विज्ञान विभागले मोवाइलमा म्यासेज पठाएर सतर्कता अपनाउन समेत आग्रह गरेको छ ।
‘हाल कैलालीको टिकापुर, चिसापानी लगायत कैलाली र कञ्चनपुरको धेरै स्थानमा भारी बर्षा भएको,थप बर्षा हुने देखिएकोले कान्द्रा, मोहना, घुराहा, खुट्टिया, स्याउली, चौधर लगायत साना नदीमा बाढी आउन सक्छ । बिहान १० बजे सम्म सतर्क रहौं।’ जल तथा मौसम विज्ञान विभागले पठाएको म्यासेजमा भनिएको छ ।
