पीसीआर मेसिन स्थापनाका लागि डा. राजेन्द्र भट्टद्वारा ३० हजार रुपैया सहयोग

स्वास्थय

गृहपृष्ठ
स्वास्थय
पीसीआर मेसिन स्थापनाका लागि डा. राजेन्द्र भट्टद्वारा ३० हजार रुपैया सहयोग

पीसीआर मेसिन स्थापनाका लागि डा. राजेन्द्र भट्टद्वारा ३० हजार रुपैया सहयोग

बुधबार, असार १७, २०७७ गोदावरी न्युज

काठमाण्डौं-डडेल्धुरामा पीसीआर मेसिन स्थापनाका लागि हिमाल डेण्टलका सञ्चालक डा. राजेन्द्र भट्टले ३० हजार रुपैया सहयोग गरेका छन् ।
डडेल्धुरामा पीसीआर मेसिन स्थापनाका लागि ह्युमानिटी फाउण्डेसन नेपाल र सुदूर पश्चिम समाजद्धारा जारी अभियानमा हिमाल डेण्टलका सञ्चालक डा.भट्टले ३० हजार रुपैया सहयोग गरेका हुन् ।

बैतडी घर भई हाल काठमाण्डौंमा कार्यरत डा. भट्टले थोपा थोपा मिलेर समुन्द्र बन्ने भएकोले पीसीआर मेसिन स्थापनाका लागि आफूले सानो सहयोग गरेको बताए । उनले डडेल्धुरामा पीसीआर मेसिनको स्थापनाले हालसम्म कोरोना परीक्षणबाट बञ्चित सुदूर पश्चिमका ७ वटा पहाडी जिल्लाका बासिन्दालाई सुबिधा पुग्ने बताए ।

ह्युमानिटी फाउण्डेसनका संस्थापक एवं कोरिया टुर्स एण्ड ट्रेकिङ अपरेटर्स एशोसियसनका अध्यक्ष तथा नेपाल एशोसियन अफ टुर अपरेटरका महासचिव अमर बहादुर शाहीको नेतृत्वमा काठमाण्डौंमा जारी सहयोग संकलन अभियानमा डा.भट्टले सहयोग गरेका हुन् ।

कान्तिपुर टेलिभिजनका प्रधान सम्पादक प्रशान्त अर्याल, ओलम्पियन तथा साफ गेममा तेक्वान्दोमा नेपाललाई चार स्वर्ण पदक दिलाउने किर्तिमानी तेक्वान्दो खेलाडी दीपक बिष्ट, राष्ट्रिय खेलकुद परिषद(राखेप) का क्रिकेटका प्रमुख प्रशिक्षक जगत टमाटा, युवा व्यवसायी राजु अवस्थीले डडेल्धुरामा पीसीआर मेसिन स्थापनाका लागि काठमाण्डौंमा जारी अभियानमा अगुवाई गरेका छन् ।

यस्तै
डडेल्धुरामा पीसीआर मेसिन स्थापनाका लागि धनगढीका दुई जना व्यवासयीले ४० हजार रुपैया सहयोग गरेका छन् ।पीसीआर मेसिनका लागि सुशिल अग्रवाल श्रृंगारवालाले १५ हजार, स्वर्गीय समाजसेवी रामचन्द्र अग्रवालका छोरा राकेश अग्रवालले २५ हजार रुपैया सहयोग गरेका हुन् ।
ह्युमानिटी फाउण्डेसन र सुदूर पश्चिम समाज अमेरिकाद्धारा डडेल्धुरामा जारी अभियानमा दुई जना व्यवसायीले स्वस्फूर्त रुपमा सहयोग गरेका हुन् ।यसअघि दुबै जना व्यवसायीले भारतबाट आएका नेपालीहरुलाई सीमा क्षेत्रमा नेपालीहरुका लागि खाना पानी अभियानमा समेत सहयोग गरेका थिए ।

प्रकाशित मिति: बुधबार, असार १७, २०७७ ०७:४७