‘रामायण’ बन्यो विश्वमा सबैभन्दा बढी हेरिएको टेलिभिजन सो

विश्व/प्रबास

गृहपृष्ठ
विश्व/प्रबास
‘रामायण’ बन्यो विश्वमा सबैभन्दा बढी हेरिएको टेलिभिजन सो

‘रामायण’ बन्यो विश्वमा सबैभन्दा बढी हेरिएको टेलिभिजन सो

आइतबार, वैशाख २१, २०७७ गोदावरी न्युज

मुम्बई – विश्वमा सबैभन्दा बढी हेरिएको टेलिभिजन सो रामायण बनेको छ । भारतीय टिलिभिजन च्यानल दूरदर्शनले आफ्नो चर्चित सो ‘रामायण’ लाई लकडाउनमा पुनः प्रसारण गरे पछि सबैभन्दा बढी पटक हेरिएको टेलिभिजन सो रामायण बनेको हो । यसअघि विश्वमा सबैभन्दा बढी हेरिएको टेलिभिजन सो गेम अफ थ्रोनलाई उछिन्दै रामायण सबैभन्दा बढी हेरिएको टेलिभिजन सो बन्न पुगेको हो ।

कार्यक्रमको नयाँ रेटिङ गर्दा ‘रामायण’ ले पुरानो सबैभन्दा धेरै हेरिएको टेलिभिजन सोलाई पछाडि पारेको छ । १६ अप्रिलसम्म यो कार्यक्रम ७ करोड ७० लाखभन्दा धेरैले हेरेर विश्वमा नै धेरै हेरिएको टेलिभिजन कार्यक्रम बनेको छ । दूरदर्शनले आफ्नो आधिकारिक ट्विटर ह्यान्डल मार्फत् यो कुराको जानकारी दिएको हो ।

‘रामायण’ मा राम र सीताको भूमिकामा क्रमशः अरुण गोभिल र दीपिका चिखाइला छन् । रामानन्द सागरको लेखन र निर्देशनमा रामायण पहिलोपल्ट सन् १९८७ को जनवरी २५ देखि १९८८ जुलाई ३१ सम्म प्रसारण भएको थियो । ७८ भाग रहेको यो टेलि शृंखला वाल्मीकि रामायण र तुलसीदासको रामचरितमानसमा आधारित छ । एजेन्सी

प्रकाशित मिति: आइतबार, वैशाख २१, २०७७ ११:५२