भारतमा चिकित्सकमाथि आक्रमण गर्नेलाई ७ वर्षसम्म जेल हुने अध्यादेश ल्याईयो

विश्व/प्रबास

गृहपृष्ठ
विश्व/प्रबास
भारतमा चिकित्सकमाथि आक्रमण गर्नेलाई ७ वर्षसम्म जेल हुने अध्यादेश ल्याईयो

भारतमा चिकित्सकमाथि आक्रमण गर्नेलाई ७ वर्षसम्म जेल हुने अध्यादेश ल्याईयो

बुधबार, वैशाख १०, २०७७ गोदावरी न्युज

नयाँ दिल्ली – भारतमा नोभेल कोरोना संक्रमण विरुद्धको अग्रमोर्चामा रहेर संक्रमितको उपचारमा खटिएका चिकित्सक माथि दुर्व्यवहार र आक्रमणका घटना बढेपछि नयाँ कानुन निर्देशन जारी गरिएको छ ।

भारत सरकारले चिकित्सकको सुरक्षाका लागि नयाँ कार्यकारी निर्देशन जारी गरेको जनाइएको छ । भारतको महामारी रोग ऐन १८९७ लाई संशोधन गरिएको छ । संशोधन कानुन अनुसार महामारी विरुद्ध लडिरहेका चिकित्सक र स्वास्थ्यकर्मीहरु माथि आक्रमण गर्नेलाई ६ महिनादेखि सात वर्षसम्मको कैद सजाय हुने छ ।

“महामारीबाट मुलुकलाई जोगाउन अग्रमोर्चमा रहेका चिकित्सकहरु माथि आक्रमण दुर्भाग्यपूर्ण र निन्दनीय छ । उनीहरु माथिको आक्रमण र दुर्व्यवहार सह्य हुने छैन । यसका लागि नयाँ संशोधन अध्यादेश ल्याइएको छ । उक्त अध्यादेश राष्ट्रपति रामनाथ कोविन्दले प्रमाणीकरण गरेपछि लागु हुनेछ,“ भारती सञ्चारमन्त्री प्रकाश जाभेदकरले भने ।

जनवरी २२ र २३ लाग तय गरिएको भारतीय चिकित्सक एसोसिएनको धर्ना स्थगित गरिएको छ । भारतीय गृहमन्त्री अमित शाह र स्वास्थ्य मन्त्री हर्ष भर्दनसँगको कुराकानीपछि उक्त धर्ना स्थगित गरिएको हो ।

प्रकाशित मिति: बुधबार, वैशाख १०, २०७७ १८:१७