कृषि कार्यक्रम नपाएको भन्दै डडेल्धुराका किसान आन्दोलीत

समाज

गृहपृष्ठ
समाज
कृषि कार्यक्रम नपाएको भन्दै डडेल्धुराका किसान आन्दोलीत

कृषि कार्यक्रम नपाएको भन्दै डडेल्धुराका किसान आन्दोलीत

शुक्रबार, माघ २४, २०७६ शकुन्तला साउँद

डडेल्घुरा - मुख्यमन्त्री एकिकृत कृषि विकास कार्यक्रम आफुहरुले माग गरेर पनि नपाएको भन्दै डडेल्धुराका किसानहरु आन्दोलीत भएका छन । जिल्लाको गन्यापधुरा गाउँपालिका–३ डमरकोटका कृषकहरुले शुक्रबार कृषि ज्ञान केन्द्र डडेल्धुरामा ज्ञापन पत्र बुझाएका छन ।

उनीहरुले पहुचँका आधारमा आफुहरुलाई जनाकारी नै नदिई कार्यालयले चोरबाटो भएर कृषि कार्यक्रम कार्यान्वय गरेकोमा आफुहरुको आपती रहेको किसानहरुले जनाएका छन । आफनो क्षेत्रमा लिप्ट सिचाँई सुविधा तथा नहरको समेत व्यबस्था भएकाले तरकारी खेती मार्फत नमुना कृषि गाउँ बनाउन उपरोक्त भएको कृषक सुरेन्द्र देउवाले बताए ।

आफुहरुको आलुखेती गरेको जमीन यो मौषममा तरकारी खेतीका लागि बाझो रहेकाले तत्काल हाम्रो क्षेत्रम कृषकका गतिबिधी सुरु हुनु पर्ने उनीहरुको माग छ । समुह निमार्ण गरी प्रस्तावना सहित पठाएर कृषि ज्ञान केन्द्रले नटेरेको अर्का कृषक भागरथी देउवाले बताईन ।

मुख्यमन्त्री एकिकृत कृषि विकास कार्यक्रमका लागि प्राविधीकरुप र दलित समुदायको बढी क्षेत्र भएकाले यसको निती अनुसार नै आफुहरुले नमुना कृषि गाउँ छनोट गरेको कृषि ज्ञान केन्द्रको दाबी छ ।

आन्दोलीत कृषक समुह पर्ने स्थानमा धानखेतीका लागि उपरोक्त स्थान भएकाले तरकारी खेतीको लागि छनोट नभएको कृषि ज्ञान केन्द्र डडेल्धुराका प्रमुख तथा वरिष्ट कृषि विकास अधिकृत दिलबहादुर बिष्टले बताएका छन ।

सुदुरपश्चिम प्रदेशमा अहिले एक स्थानीय तह एक नमुना गाउँ बनाउने उद्देश्यले मुख्यमन्त्री एकिकृत कृषि विकास कार्यक्रम अन्र्तगत एक स्थानीय तहको एक गाउँमा ५ लाख बजेट विनियोजीत छ । कृषिमा अनुदानका कार्यक्रम राजनिती पहुँचमा नभई किसानको मागका आधारमा ह’ने आवश्यक छ ।

प्रकाशित मिति: शुक्रबार, माघ २४, २०७६ १७:५६