काठमाडौं– अन्तर्राष्ट्रिय गोजिरीयो कराँते प्रतियोगिता जेठ पहिलो साता हुने भएको छ । सोमबार काठमाडौंमा पत्रकार सम्मेलन गरी आयोजक राष्ट्रिय कराते दो संघ नेपाल, सुदुरपश्चिम प्रदेशले प्रतियोगिता जेष्ठ ९ गतेदेखि ११ गते सञ्चालन हुने जानकारी दिएको हो ।
सुदुरपश्चिम प्रदेशको अस्थायी राजधानी धनगढीमा आयोजना हुने प्रतियोगिताको मुख्य प्रायोजक राष्ट्रवादी विकासशील अभियान रहेको आयोजकले जानकारी दिएको छ । राष्ट्रवादी अभियानले प्रतियोगिताका लागि ८ लाख सहयोग गर्ने छ ।
प्रतियोगितामा नेपालसहित दक्षिण एसियाका भारत, पाकिस्तान, बंगलादेश, श्रीलंका र भुटानका खेलाडीको सहभागिता रहनेछ । यसैगरी ६ देशका सबै खेलाडी गरी एक हजार प्रतियोगी प्रतियोगितामा सहभागी हुने आयोजकको दावी गरेको छ ।
प्रतियोगितामा खेलाडीले विभिन्न ४० विधामा प्रतिस्पर्धा गर्ने कार्यक्रम संयोजक तथा राष्ट्रिय गोजिरियो कराँते दो संघ नेपालका महासचिव प्रकाश चन्दले बताए । यस्तै, खेलाडीहरुले ४० स्वर्ण, ४० रजत र ४० कास्य पदकाका लागि प्रतिस्पर्धा गर्नेछन् ।
नवौं संस्करणसम्म आइपुग्दा प्रतियोगिताले गोजिरियोतर्फ राष्ट्रिय टोलीसम्म क्षमतावान खेलाडी उत्पादन गर्न महत्वपूर्ण भूमिका खेलेको महासचिव चन्दले बताए ।
कार्यक्रममा उपस्थित नेपाल कराँते महासंघका महासचिव हरिशरण केसीले प्रतियोतिाका लागि १५ हजार नगद सहयोग गरे । प्रतियोगिताको अनुमानित लागत ४१ लाख ९१ हजार रहेको जानकारी दिएको आयोजकलले नगरपालिका तथा स्थानीय व्यापारीक क्षेत्रमार्फत सहयोग प्राप्त हुने विश्वास व्यक्त गरेको छ ।
