कैलालीको हरैयामा माघी मिलन कार्यक्रमको आयोजना

समाज

गृहपृष्ठ
समाज
कैलालीको हरैयामा माघी मिलन कार्यक्रमको आयोजना

कैलालीको हरैयामा माघी मिलन कार्यक्रमको आयोजना

आइतबार, माघ ५, २०७६ महेश कुमार महर

अत्तरिया – कैलालीको हरैयामा ‘माघी मिलन कार्यक्रम २०७६’ को आयोजना गरिएको छ । माघी मिलन मुल आयोजक समितिको आयोजनामा र सुदूरपश्चिम प्रदेश सरकारको सामाजिक विकास मन्त्रालय र गोदावरी नगरपालिकाको आर्थिक सहयोगमा कार्यक्रमको आयोजना गरिएको हो । थारु अगुवा बल बहादुर चौधरीको सभापतित्वमा भएको कार्यक्रमका प्रमुख अतिथि सुदुरपश्चिम प्रदेश सरकारका सामाजिक विकास मन्त्री कृष्ण राज सुवेदी रहेका थिए । कार्यक्रममा बिशिष्ट अतिथि प्रदेस सांसद चुन कुमारी चौधरी र गोदावरी नगरपालिकाकी उपप्रमुख रत्ना कडायत रहेकी थिईन ।

कार्यक्रममा थारु संस्कृति भल्कने पुराना हस्तकलाका सामाग्री, थारु खाना, भेषभुशा कला संस्कृति प्रदर्शनी, बिभिन्न थारु नाच प्रस्तुत गरिएका थिए । कार्यक्रमका कलाकार सोनु कुश्मी, रमेश मिसन र बालगायक अनुप विसीले आफ्ना प्रस्तुती राखेका थिए ।

‘थारु भाषा संस्कृति कला गीतवास हमार सान, समृद्ध समाज निर्माण कर्ना हमार समान अभियान’ भन्ने नाराका साथ थारु समुदायमा लोप हुन लागेका कला, संस्कृति जर्गेना गर्ने उद्देश्यले माघी मिलन कार्यक्रम आयोजना गरेको आयोजकले बताएका छन । कार्यक्रमका संयोजक भिम बिकले स्वागत मन्त्यव्य राखेको कार्यक्रमको संचानल मोहन चौधरी र दिलसरी चौधरीले गरेका थिए । कार्यक्रममा स्थानिय सरकारका जनप्रतिनिधि, राजनीतिक दलका प्रतिनिधि सामाज सेवी, पत्रकार लगायत उल्लेख्य रुपमा दर्शकहरुको सहभागीता रहेको थियो ।

प्रकाशित मिति: आइतबार, माघ ५, २०७६ १६:५०