गोदावरी नगरपालिकाको पहिलो हिउदे अधिवेसन सुरु

समाज

गृहपृष्ठ
समाज
गोदावरी नगरपालिकाको पहिलो हिउदे अधिवेसन सुरु

गोदावरी नगरपालिकाको पहिलो हिउदे अधिवेसन सुरु

‘नगरपालिका सबै संग सहकार्य र छलफल गरेरनै अगाडी बढेको छ ।’ – नगरप्रमुख

सोमबार, पुस २१, २०७६ गोदावरी न्युज

अत्तरिया – कैलालीको गोदावरी नगरपालिकाकाको चौथो नगरसभा तथा पहिलो हिउदे अधिवेसनको उद्घाटन सत्र सम्पन्न भएको छ । सोमबार अत्तरियामा नगरपालिकाका नगरप्रमुख हरि सिं साउँदको अध्यक्षतामा नगरसभा सम्पन्न भएको हो । नगरसभाको उद्घाटन सत्रमा बोल्दै नगरप्रमुख साउँदले नगरपालिकाको समग्र विकासका लागि सबैको सहकार्य हुन आवश्यक रहेको बताए । ‘नगरपालिका सबै संग सहकार्य र छलफल गरेरनै अगाडी बढेको छ ।’ नगरप्रमुख साउँदले भने –‘नगरपालिकामा रहेका पिउन देखि हाकीम सम्म सबैको भुमिका उत्तिकै महत्वपूर्ण छ ।’ उनले नगरपालिकाको बजेट अधिवेसन नियमित भएपनि हिउँदे अधिबेसन भने विभिन्न कारणले गर्दा पहिलो पटक भएको बताए ।

नगरसभामा नगरपालिकाका प्रमुख प्रशासकिय अधिकृत खेम राज बिष्टले नागरिक अनुसासनमा सुधार भए सबै समस्या सामाधान हुने बताए । ‘जनप्रतिनिधिबाट कर्मचारीले सहयोग गरेनन् भन्ने कुरा आउने गरेको छ ।’ प्रमुख प्रशासकिय अधिकृत बिष्टले भने – ‘कानून भन्दा ठूलो कोहि पनि नहुँने भएकाले कुनै पनि काम गर्दा कानून अनुसार भए समस्या आउँदैन । अर्को कुरा मनमा डर पनि हुनुप¥यो ।’ उनले नगरसभा जनताको साझा समस्या खोज्ने थलो भएकाले सबैले तरिकापद्ध रुपमा समस्या राख्न आवश्यक भएको बताए ।

कार्यक्रममा कार्यपालिका सदस्य ईश्वरा आचार्यले नगरको विकासको लागि सबै मिलेर अगाडी बढ्नु पर्ने बताईन् । उनले नगरपालिकामा भएका समस्या सामाधानका लागि साझा प्रयास हुनुपर्ने बताईन् ।

वडाअध्यक्षको तर्फबाट धारणा राख्दै गोदावरी नगरपालिका वडा नम्बर ६ का वडा अध्यक्ष विर बहादुर चोखालले नगरपालिकाले सबैको सुझाव समेटेर कार्यक्रम अगाडी बढाउनु पर्ने बताए । ‘धेरै योजनाहरु अनुगमन नै नगरी बिल पास भएका छन ।’ वडा अध्यक्ष चोखालले भने – ‘बजेट कहाँ कहाँ बाट आउँदैछ प्रदेशले कति बजेट दिएको छ भन्ने सबै कुराको वडालाई पनि जानकारी दिईनु पर्छ ।’ उनले नगरपालिकाकाबाट जथाभाबि बजेट बाडफाड भएकाले यसलाई नियन्त्रण गर्नु पर्ने बताए । ‘कसैलाई बजेट नै पर्दैन, कसैलाई आवश्वकता भन्दा बढी बजेट पर्ने गरेको छ । नगरपालिकाले आवश्यकता हेरेर बजेट दिनु पर्छ ।’– वडा अध्यक्ष चोखालले भने ।

नगर सभाको हिउदे अधिवेसनमा प्रमुख प्रशासकिय अधिकृत बिष्टले हिउँदे अधिबेसनको कार्यसुचि प्रस्तुत गरेका थिए । नगरपालिकाकी उपप्रमुख रत्ना कडायतले स्वागत मन्तव्य राखेको कार्यक्रमको संचालन गोदावरी नगरपालिकाका प्रवक्ता शर्मानन्द भट्टले गरेका थिए । नगरसभामा नगरपालिकाका जनप्रतिनिधि, कर्मचारी, पत्रकार र बिभिन्न संघं सस्थाका प्रतिनिधि र सर्वसाधारणको सहभागीता रहेको थियो ।

प्रकाशित मिति: सोमबार, पुस २१, २०७६ १५:२४