काठमाण्डौ -१३ औं दक्षिण एसियाली खेलकुद प्रतियोगिता (साग)को औपचारिक समापन भएको छ ।नेपालले तेस्रो पटक आयोजना गरेको प्रतियोगिता औपचारिक रुपमा मंगलबार समापन भएको हो ।नेपालका मुख्य तीन शहरमा १० दिनसम्म सञ्चालन भएको प्रतियोगितामा कुल २६ खेलमा दक्षिण एसियाका ७ राष्ट्रले प्रतिस्पर्धा गरेका थिए ।
सन् १९८४ मा नेपालबाट सुरु भएको सागको आठौं संस्करण सन् १९९९ मा काठमाडौंमा भएको थियो । झण्डै २० बर्षपछि नेपालले सागको १३ औं संस्करण आयोजना गर्न सफल भएको छ । अन्तिम दिन नेपालले पुरुष फुटबलमा स्वर्ण जित्दै कीर्तिमानी ५१ स्वर्ण सहित प्रतियोगिताको अन्त्य गरेको हो ।
त्रिपुरेश्वरस्थित दशरथ रंगशालामा एक समारोहको आयोजना गरेर सागको औपचारिक समापन गरिएको थियो ।नेपालले १३ औं दक्षिण एसियाली खेलकुद (साग) सफलतापूर्वक आयोजना गर्यो ।
सागको अन्तिम दिन मंगलबार पुरुष फुटबलमा नेपालले स्वर्ण जित्यो । साग इतिहासमा नेपालले पहिलो पटक ५० भन्दा बढी स्वर्ण जितेको हो । नेपाल टिम उपविजेता बन्यो । भारत पुन: टिम च्याम्पियन बन्यो ।सागमा कुन ३ सय १६ स्वर्णको लागि प्रतिस्पर्धा गरेको थियो ।
पाकिस्तानलाई झण्डा हस्तान्तरण
१४ औं साग आयोजनाको जिम्मेवारी पाएको पाकिस्तानलाई झण्डा हस्तान्तरण गरिएको छ ।
नेपाल ओलम्पिक कमिटि एनओसीका अध्यक्ष जीवनराम श्रेष्ठले पाकिस्तान ओलम्पिक कमिटिका अध्यक्ष सइद आरीफ हेसनलाई १४ औं साग आयोजनाको झण्डा हस्तान्तरण गरेका हुन् ।
दक्षिण एसियाली ओलम्पिक काउन्सिलको बैठकले आगामी संस्करणको साग आयोजनाको जिम्मेवारी पाकिस्तानलाई दिने निर्णय गरेको थियो ।
सोही अनुसार पाकिस्तानका ओलम्पिक कमिटिका अध्यक्षले साग आयोजनाको झण्डा लिएका हुन् । पाकिस्तानले ६ महिना भित्र १४ औं सागको मिति तय गर्नेछ ।
उनले पाकिस्तानले यसअघि सागको सफल आयोजना गरेको उल्लेख गर्दै भब्य रुपमा १४ औं साग आयोजना गरिने बताए ।
नेपालले सफलतापुर्वक साग आयोजना गरेकोमा धन्यवाद दिदै १४ औं सागमा स्वागत गर्न आफु तयार रहेको बताए ।
