फेरिदै जिल्ला प्रशासन कार्यालय बझाङको स्वरूप (फोटो सहित)

समाज

गृहपृष्ठ
समाज
फेरिदै जिल्ला प्रशासन कार्यालय बझाङको स्वरूप (फोटो सहित)

फेरिदै जिल्ला प्रशासन कार्यालय बझाङको स्वरूप (फोटो सहित)

मंगलबार, मंसिर १०, २०७६ प्रमोद पन्त

बझाङ – जिल्ला प्रशासन कार्यालय बझाङको स्वरुप फेरीदै छ । बझाङ जिल्लाका प्रमुख जिल्ला अधिकारी उमेश पाण्डेको पहलमा कार्यालयको स्वरुप फेरीन लागेको हो ।

जिल्ला प्रशासन कार्यालय बझाङको सार्वजनिक मर्मत सम्भार कोषवाट कार्यालयको रंगरोगन, बगौचा निर्माण, पोखरी निर्माण लगाएत सेवाग्राहीहरुका लागी वातावरण मैत्री कार्यालयको रुपमा विकास गरीने पाण्डेले बताए ।

केही महिना अघिसम्म मात्र अव्यवस्थित रहेको उक्त कार्यालयको स्वरूप मात्र फेरिएको छैन, सेवाग्राही मैत्री पूर्वाधारहरू पनि निर्माण गरिएको छ । यति मात्र होइन, फोहोरमुक्त कार्यालयको रूपमा स्थान बनाएर नमूना कार्यालयको रूपमा समेत स्थापित गरीने पाण्डेले बताए । उनले रकम अभाव भएकाले सहरी विकास भवन कार्यालय वैतडीमा आग्रह गरेको बताए ।

ऐतिहासीक दरवार समेत रहेको जिल्ला प्रशान कार्यालय बझाङकोे भवन कार्यालय, प्रमुखको भवन पनीे रंगरोगन गरिएको छ । कार्यालयको मूल प्रवेशद्वारकै देब्रेपट्टि जेष्ठ नागरिकहरुका लागि प्रतिक्षालयको निर्माण पनि भएको छ । पुन निर्माणको लगभग चालीस प्रतिशत काम सकिएको बाकि निर्माणको काम जारीरहेको छ ।