एमाले अध्यक्ष ओलीले सचिबालय सदस्यलाई सिस्नु किन लगाए ?

राजनीति

गृहपृष्ठ
राजनीति
एमाले अध्यक्ष ओलीले सचिबालय सदस्यलाई सिस्नु किन लगाए ?

एमाले अध्यक्ष ओलीले सचिबालय सदस्यलाई सिस्नु किन लगाए ?

सोमबार, वैशाख १, २०८२ गोदावरी न्युज

नेकपा एमालेको सोमबारको सचिवालय बैठक चलिरहँदा एकाएक सिस्नुको विषयले प्रवेश पायो ।पार्टी सचिव लेखराज भट्टले बैठकमा नेताहरूलाई लगाउन भन्दै प्रधानमन्त्री तथा एमाले अध्यक्ष केपी शर्मा ओलीलाई सिस्नु थमाए ।त्यसपछि ओलीले पार्टीका पदाधिकारीलाई सिस्नु लगाए ।

१ वैशाखमा मनाइने बिसु पर्वका अवसरमा सिस्नु लगाउने प्रचलन सुदूरपश्चिममा छ । नयाँ वर्षको दिन सोमबार सुदूरपश्चिममा यो पर्व सिस्नु लगाएर मनाइएको छ ।

सोमबार एमाले सचिवालय बैठकमा सुदूरपश्चिमका नेता भट्टले यो पर्वबारे व्याख्या गरे । र, सिस्नु लगाउन अध्यक्षलाई आग्रह गरे । त्यसपछि ओलीले नेताहरूलाई सिस्नु लगाएका हुन् ।

भट्टले बिसु पर्वको महिमाबारे पनि बैठकमा जानकारी गराएका थिए । साथै, उनले नेताहरूलाई मिठाई पनि खुवाए । यसरी बैठकमा एकअर्कालाई सिस्नु लगाउँदा बैठकको माहौल रमाइलो बनेको थियो ।

प्रकाशित मिति: सोमबार, वैशाख १, २०८२ १८:४१