गोदावरी नगरपालिका अत्तरिया सामुदायिक सिकाई केन्द्रको वार्षिक साधारण सभा र मुखपत्र समर्पण विमोचन कार्यक्रम शनिबार सम्पन्न भएको छ ।
अत्तरिया सामुदायिक सिकाई केन्द्रका अध्यक्ष टीकादत्त जोशीको सभापतित्वमा आयोजित कार्यक्रममा प्रमुख अतिथि गोदावरी नगरपालिका नगर प्रमुख विरेन्द्र भट्ट र विशिष्ट अतिथि नगर उप प्रमुख शारदा देवी रोकाया उपस्थित थिए ।
सिकाई केन्द्रका सचिव हरिलाल ओझाले वार्षिक (आयव्यय) प्रतिवेदन प्रस्तुत गर्दै ०८०÷०८१ आर्थिक वर्षमा ९ लाख ३० हजार ३२४ रुपैयाँ आम्दानी र ६ लाख १४ हजार ७१६ रुपैयाँ खर्च भएको जानकारी दिए । साथै यस वर्षको बचत ३ लाख १५ हजार ६०८ रहेको छ ।
कार्यक्रममा गोदावरी नगरपालिका वडा नं १ का वडा अध्यक्ष र नगर प्रवक्ता गोपाल दत्त भट्ट, वडा नं ४ का अध्यक्ष हेम प्रकाश मल्ल, संस्थाका संस्थापक भिम बहादुर बलायर लगायत विभिन्न संघ–संस्थाका प्रतिनिधि, समाजसेवी, बुद्धिजीवी र अन्य व्यक्तित्वहरूको उपस्थिति रहेको थियो । कार्यक्रमको सञ्चालन सञ्चारकर्मी शारदा फुलाराले गरेकी थिइन्, भने स्वागत मन्तव्य संस्थाका सदस्य नन्द राज भट्टले व्यक्त गरेका थिए ।
नयाँ कार्य समिती चयन
सिएलसीको नयाँ कार्यसमिति चयन भएको छ । साधारण सभाबाट ९ सदस्यीय कार्यसमिति निर्विरोध चयन भएको हो ।
समितिको उपाध्यक्षमा लक्ष्मीदेवी भण्डारी,सचिवमा धनीराम पनेरु र कोषाध्यक्षमा हेमन्तीदेवी पाल चयन भएका छन् ।
त्यस्तै सदस्यहरुमा भिम बहादुर बलायर,तेजराज भट्ट,मदनराज शर्मा (जोशी) तथा महिला सदस्यमा शारदा राना र तारा श्रेष्ठ चयन भएका छन् ।
