कैलालीको अत्तरिया अस्पतालमा ४ करोडको लगानीमा सिटीस्कयान सेवा शुरु

समाज

गृहपृष्ठ
समाज
कैलालीको अत्तरिया अस्पतालमा ४ करोडको लगानीमा सिटीस्कयान सेवा शुरु

कैलालीको अत्तरिया अस्पतालमा ४ करोडको लगानीमा सिटीस्कयान सेवा शुरु

शनिबार, पुस ६, २०८१ गोदावरी न्युज

कैलालीको अत्तरिया हस्पिटलले सिटिसकयान सेवा शुरु गरेको छ । शनिबार एक कार्यक्रमका बिच गोदावरी नगरपालिकाका नगरप्रमुख बिरेन्द्र भट्टले सिटिस्कयान सेवाको उदघाटन गरे ।

सेवाको शुभारम्भ गर्दै नगरप्रमुख भट्टले निजि क्षेत्रको अस्पतालले गरेको यति ठूलो लगानीले उत्साही भएको बताए । नगरप्रमुख भट्टले अब यस क्षेत्रमा ब्लड बैंकको आबश्यकता रहेकाले त्यसको लागि सबैको ध्यान जानू जरुरी रहेको बताए ।

अस्पतालका अध्यक्ष डा. आनन्द पाठकले सिटीस्कयान सेवा शुरु भएपछि यहाँका बिरामीहरुले अब बाहिर जानू नपर्ने बताए। झन्डै ४ करोडको लगानीमा उक्त सिटीस्कयान अस्पतालले खरिद गरेको डा. पाठकले बताए ।

२०७९ सालदेखि उक्त अस्पताल संचालनमा आएको हो । अहिले ९५ कर्मचारी कार्यरत रहेका छन् । अस्पतालमा एक सय बेड रहेका छन् । आज नै अस्पतालले रक्तदान पनि गरेको छ ।

प्रकाशित मिति: शनिबार, पुस ६, २०८१ १२:००