बुधबार लामिछाने संग १० घन्टा बयान

देश

बुधबार, कात्तिक २८, २०८१ गोदावरी न्युज

पूर्वगृहमन्त्री एवं राष्ट्रिय स्वतन्त्र पार्टीका सभापति रवि लामिछानेलाई बुधबार करिब १० घन्टा बयान लिइएको छ।

रुपन्देहीको बुटवलस्थित सुप्रिम बचत तथा ऋण सहकारी संस्था लिमिटेडको रकम अपचलन गरेको आरोपमा लामिछानेसँग दोस्रो दिन १० घन्टा बयान लिइएको हो।

जिल्ला न्यायाधीवक्ता प्रेमराज पौडेलसहित न्यायाधिवक्ता र प्रहरी अधिकारीहरूले लामिछानेसँग ब्यान लिएका थिए।

स्रोतका अनुसार सुप्रिम सहकारी, गोर्खा मिडिया नेटवर्क प्रालिलगायतसँग सम्बन्धित रहेर उनीहरूले लामिछानेसँग ५० भन्दा बढी प्रश्न सोधेका थिए।

सबाल जवाफमा लामिछानेले आरोप अस्विकार गर्दै आएका छन्।

सुप्रिम सहकारीको रकम अपचलन गरेको आरोपमा कास्की प्रहरी हिरासतमा रहेका लामिछानेलाई मंगलबार रुपन्देही ल्याइएको थियो।

लामिछानेलाई जिल्ला प्रहरी कार्यालयको हिरासत कक्षमा राखिएको रुपन्देहीका एसपी रञ्जितसिंह राठौरले बताए।

प्रकाशित मिति: बुधबार, कात्तिक २८, २०८१ २१:३३

प्रतिक्रिया दिनुहोस्

ताजा समाचार

विश्व/प्रबास

समाज

कला /साहित्य