कैलालीको अत्तरियामा रहेको प्रतिभा सामुदायिक पुस्तकालयको वार्षिक एवम् नियमित १५ औं साधारण सभा मंगलबार सम्पन्न भएको छ । पुस्तकालयका अध्यक्ष पुष्पराज जोशीको सभापतित्वमा भएको कार्यक्रमका प्रमुख अतिथि पूर्व मन्त्री लेखराज भट्ट रहेका थिए।
कार्यक्रममा विशिष्ट अतिथि राष्ट्रिय योजना आयोगका पूर्व सदस्य विजय कुँवर, सुदूरपश्चिम प्रज्ञा–प्रतिष्ठानका उपकुलपति डा.टी.एन.जोशी, शिखर नगरपालिका–डोटीका पूर्व नगरप्रमुख सिताराम जोशी, गोदावरी नगरपालिकाकी पूर्व नगर उप–प्रमुख श रत्ना कडायत, दुर्गालक्ष्मी बहुमुखी क्याम्पसका क्याम्पस प्रमुख डा. नरेन्द्र बहादुर ऐर, गोदावरी नगरपालिका वडा नं १ का वडा अध्यक्ष एवम् गोदावरी नगरपालिकाका प्रवक्ता गोपालदत्त भट्ट, वडा नम्बर -४ का वडा अध्यक्ष हेम प्रकाश मल्ल , सुदूर पश्चिमाञ्चल साहित्य समाज–धनगढीका अध्यक्ष तीर्थराज पाण्डेय लगाएतका रहेका थिए ।
साधारण सभामा प्रतिभा सामुदायिक पुस्तकालयका १२० जना आजीवन सदस्यहरुको उपस्थिति रहेको थियो । पुस्तकालयका वर्तमान कार्य समिति सदस्य नरेन्द्रराज शर्माको स्वागत मन्तव्यबाट सुरु भएको उक्त कार्यक्रमको सञ्चालन संस्थाका सचिव राजबहादुर कडायतले गरेका थिए । साधारण सभाको उदघाटन सत्रमा संस्थाको वार्षिक मुखपत्र ‘प्रतिभा’ अंङ्क–५ विमोचन गरिएको थियो ।
लगत्तै शुरु भएको बन्दसत्रमा पुस्तकालयका अध्यक्ष पुष्पराज जोशीले गत आ.व.को प्रगति प्रतिवेदन प्रस्तुत गरेका थिए भने कोषाध्यक्ष धर्मसिंह कुँवरले गत आ.व.को आय–व्यय विवरण तथा आगामी आ.व.को अनुमानित आय–व्यय विवरण प्रस्तुत गरेका थिए । कार्यक्रममा उपस्थित सम्पूर्ण आजीवन सदस्यहरुले उक्त लेखा प्रतिवेदन तथा प्रगति प्रतिवेदन सर्व सम्मतिले अनुमोदन गरेको कार्यालय प्रमुख लेखराज जोशीले जानकारी दिए ।
१४ जना सम्मानित
साधारण सभामा पुस्तकालयलाई विभिन्न किसिमले सहयोग पुर्याउने ब्यक्ती , यस क्षेत्रका साहित्यकार–स्रष्टा–सर्जकहरु तथा यस पुस्तकालयमा नियमित आई अध्ययन गर्ने पाठकहरुलाई समेत सम्मानित ग्रिएको छ ।
(क) पुस्तक दानदाता सम्मानः–
१.डा.यज्ञराज पाठक, गो.न.पा.६, बडेहाँ–कैलाली
२. टेकराज भण्डारी गो.न.पा.४, बास्कोटा,कैलाली
(ख) संस्थागत सम्मानः–
१. अनिल पन्त (सुदूरपश्चिम प्रदेश निर्देशक) टी.भी.टुडे, नेटवर्क प्रा.लि.
२. पृथ्वीनगर आमा समुह, गो.न.पा.१, पृथ्वीनगर, अत्तरिया–कैलाली
३. एभरेष्ट ऐकेडेमी,गो.न.पा.१,अत्तरिया–कैलाली
(ग) स्रष्टा–सर्जक सम्मानः–
१. गणेश नेपाली, (महासचिव) सुदूरपश्चिम साहित्य समाज, धनगढी–कैलाली
२. टी.आर.पाठक, धनगढी–५ तारानगर, कैलाली
३. पदमराज जोशी, ‘भारद्वाज’ धनगढी–५,जाइँ, कैलाली
४.खेम बतास, गो.न.पा.७ लालपुर,कैलाली
५. पदम राना, कृष्णपुर न.पा.९ पचढकी, कञ्चनपुर
६. उन्नती चौधरी, धनगढी–७ मनेहरा,कैलाली
७. तोयनाथ भट्ट, शिखर न.पा.–७ गिल्ला, डोटी
(घ) नियमित पाठक सम्मानः–
१. खडकराज, जोशी गो.न.पा.२, तेघरी,कैलाली
२.किशोर भट्ट, गो.न.पा.४, बास्कोटा,कैलाली
