धनगढी - कैलालीको धनगढीमा जारी सुदुरपश्चिम महोत्सवमा दर्शक ले भरिभराउ भएको छ ।
आज शुक्रबार महोत्सवमा दर्शकहरु को भिड लागेको थियो । महोत्सवमा मनोरञ्जन लिनुको साथै किनमेल गर्नेको समेत घुइँचो लागेको थियो ।
महोत्सवमा थारु गाउँ र सुदुरपश्चिम को भेषभुसा झल्किने फोटो प्रदर्शनी पनि दर्शकहरुले रुचिका साथ अबलोकन गरिरहेका छन् ।
संघकि कार्यकारी निर्देशक गोमा अधिकारी ले शुक्रबार आज र भोलि शनिबार अत्यधिक भिड हुने बताइन् ।
उनले यो पटक महोत्सव को भौतिक सजावटमा पनि परिबर्तन गरेकाले दर्शकहरु को अभिरुचि बढेको बताइन् ।
आज महोत्सवमा उदघोषक कोष खड्का, कलाकारहरु खेम सेन्चुरी, टंक तिमिल्सेना , लाल बहादुर धामी (अछामी बडो), सुनिल नेपाली , दिपेन्द्र ओली लगाएतले दर्शकहरुलाई भरपुर मनोरंजन दिएका थिए ।
महोत्सवमा भोलि शनिबार बहुचर्चित नायक पल शाह , गायक सुपृम मल्ल ठकुरी , अनु चौधरी लगाएतले आफ्नो प्रस्तुति दिने संघ ले जनाएको छ । २२ गते बाट शुरु भएको महोत्सव पुस २ गते सम्म चल्ने छ ।
