कैलालीमा बसको ठक्करवाट ज्यान गुमाएकाको शव १५ घण्टा देखि सडकमै

समाज

गृहपृष्ठ
समाज
कैलालीमा बसको ठक्करवाट ज्यान गुमाएकाको शव १५ घण्टा देखि सडकमै

कैलालीमा बसको ठक्करवाट ज्यान गुमाएकाको शव १५ घण्टा देखि सडकमै

सोमबार, कात्तिक १८, २०७६ गोदावरी न्युज

सुखड - कैलालीमा बसको ठक्करवाट ज्यान गुमाएकाको शव १५ घण्टा देखि सडकमै रहेको छ । जिल्लाको घोडाघोडी नगरपालिका १० पहलमानपुरमा आइतबार साँझ बसले मोटरसाईकललाई ठक्कर दिदा ज्यान गुमाएका राम बहादुर चौधरीको शव अहिले सम्म सडकमै रहेको हो ।

दुर्घटनावाट दुई जनाको मृत्यु भएपछि दोषीलाई कारबाहीको माग गर्दै मृतकका आफन्त र स्थानियहरुले हिजो साझँ पुर्वपश्चिम राजमार्ग ठप्प पारेका थिए । तर पछि साँझको समयमा लामो तथा छोटो दुरिका यात्रुहरु अलपत्र परेपछि आज बार्ता बस्ने गरि सडक मै शव राखेर यातायात सुचारु गरिएपनी आज बिहान ८ बजे देखी फेरि राजमार्ग अवरुद्ध भएको प्रहरीले जनाएको छ ।

उक्त दुर्घटनामा परि गम्भीर घाइते भएका अर्का मोटरसाइकलमा सवार सोही ठाउँका ४२ बर्षिय मान बहादुर चौधरीको उपचारका क्रममा सेती प्रादेशिक अस्पताल धनगढीमा मृत्यु भएको थियो ।

कञ्चनपुरको दोधारा चाँदनीबाट पिकनीक खायर नेपालगञ्ज तर्फ जादै गरेको भे १ ख १७३२ नंम्वरको बसले घोडाघोडी नगरपालिका–१० पहलमानुरमा से ३ प ६३७६ नंम्वरको मोटरसाइकललाई ठक्कर दिँदा मोटरसाईकल चालक घोडाघोडी १० का ४० बर्षिय राम बहादुर चौधरीको घटनास्थलमै मृत्यु भएको थियो । घटना बारे स्थानीय जनप्रतिनिधि ,यातायात समितिका पदाधिकारी ,प्रहरी तथा मृतकको आफन्तहरु बिच अहिले बार्ता भइरहेको ईलाका प्रहरी कार्यालय सुखडका प्रमुख प्रहरी निरीक्षक हरिशरण भट्टले जानकारी दिए ।

प्रकाशित मिति: सोमबार, कात्तिक १८, २०७६ ०९:११