तिहारमा राति ९ बजेपछि देउसीभैलो खेल्न र मदिराको कारोबार गर्न नपाइने

समाज

गृहपृष्ठ
समाज
तिहारमा राति ९ बजेपछि देउसीभैलो खेल्न र मदिराको कारोबार गर्न नपाइने

तिहारमा राति ९ बजेपछि देउसीभैलो खेल्न र मदिराको कारोबार गर्न नपाइने प्रशासनको आग्रह बिपरित कार्यहरु गरेको पाइएमा प्रचलित कानुन बमोजिम कडा कारबाही हुने

शनिबार, कात्तिक ९, २०७६ हेमराज भट्ट

अत्तरिया - जिल्ला प्रशासन कार्यालय कैलालीले तिहारको समयमा राति अबेर सम्म देउसी भैलो खेल्न र मदिराको कारोबारमा रोक लगाएको छ । प्रशासनले एक सुचना जारी गर्दै तिहारको समयमा राती ९ बजे सम्म मात्रै देउसी भैलो , नाचगान जस्ता मनोरञ्जनात्मक कार्यहरु गर्न र होटल ब्यबसायीहरुलाई राती ९ पछि मदिराका पसलहरु पुर्ण रुपमा बन्द गर्न आग्रह गरेको हो ।

यसका साथै तिहारको समयमा भुईचम्फा , अतिसबाजी जस्ता पटकाजन्य प्रज्बनशील प्रयोगवाट दुर्घटना तथा अपाङ्ग समेत हुन सक्ने हुदा त्यस्ता पदार्थको प्रयोग , कारोबार र ओसारपसार नगर्न नगराउन प्रशासनले अनुरोध गरेको छ ।

यस्तै जुवा तास लगाएतका जुवाजन्य खेल नखेल्न नखेलाउन सम्पुर्ण ब्यापारी, उधोगी लगाएत सर्वसाधारणमा अनुरोध गरिएको छ ।

तिहारको समयमा बिभिन्न खाले उच्छिंखल गतिविधि हुनसक्ने भएकोले यसमा रोक लगाइएको जिल्ला प्रशासन कार्यालय कैलालीले जनाएको छ । प्रशासनको आग्रह बिपरित कार्यहरु गरेको पाइएमा प्रचलित कानुन बमोजिम कडा कारबाही हुने प्रशासनले जनाएको छ । साथै जिल्ला प्रशासन कार्यालय कैलालीले सम्पुर्ण जिल्लाबासीमा शुभ दिपावली तथा छठ पर्वको अबसरमा शुभकामना पनि दिएको छ

प्रकाशित मिति: शनिबार, कात्तिक ९, २०७६ ०९:१०