कञ्चनपुरको भीमदत्तमा प्रहरी र क्यारिङ्गकर्ताबीच विवाद

समाज

गृहपृष्ठ
समाज
कञ्चनपुरको भीमदत्तमा प्रहरी र क्यारिङ्गकर्ताबीच विवाद

कञ्चनपुरको भीमदत्तमा प्रहरी र क्यारिङ्गकर्ताबीच विवाद

बुधबार, जेठ ३, २०८० गोदावरी न्युज

कञ्चनपुर - कञ्चनपुरको भीमदत्तमा प्रहरी र क्यारिङ्गकर्ताबीच विवाद भएको छ। जिल्लाको भीमदत्त नगरपालिका–५ स्थित सुकासालमा प्रहरी र क्यारिङ्गकर्ताबीच मंगलबार साँझ विवाद भएको हो। मंगलबार साँझ प्रहरीले समान जाँच गर्दा दुवै पक्षबीच विवाद मच्चिएको प्रहरीले जनाएको छ।

भारतीय सीमावर्ती शहर वनबासाबाट दुईपाङ्ग्रे साधनमा मालसामान क्यारिङ्ग गर्दै आएका उनीहरु आक्रोशित भएर सुकासालस्थित प्रहरी बिटमा तोडफोड समेत गरेका छन्। प्रहरीले चेकजाँचका नाममा अनावश्यक दुःख दिएको उनीहरूको आरोप छ। झडपमा दुवै पक्षका केही व्यक्ति घाइते भएको कञ्चनपुर प्रहरीले जनाएको छ।

तोडफोडमा संलग्न ५ जनालाई प्रहरीले नियन्त्रणमा लिएको छ। घटनामा संलग्न अन्य व्यक्तिहरूको पनि खोजी कार्य जारी रहेको कञ्चनपुर प्रहरी प्रवक्ता एवम् प्रहरी नायब उपरीक्षक प्रकाश डाँगीले बताएका छन्।

प्रकाशित मिति: बुधबार, जेठ ३, २०८० ०७:२६