बैतडीको मेलौलीमा महाशिवरात्रीको अवसरमा देउडा प्रतियोगिता हुने

कला /साहित्य

गृहपृष्ठ
कला /साहित्य
बैतडीको मेलौलीमा महाशिवरात्रीको अवसरमा देउडा प्रतियोगिता हुने

बैतडीको मेलौलीमा महाशिवरात्रीको अवसरमा देउडा प्रतियोगिता हुने

बुधबार, फागुन ३, २०७९ गोदावरी न्युज

फाईल तस्बीर !

बैतडी - जिल्लामा महाशिवरात्रीको अवसरमा देउडा प्रतियोगिता हुने भएको छ। जिल्लाकोे मेलौली नगरपालिका–२ गेरडा शिवधाममा देउडा प्रतियोगिता हुने गेरडा शिवधाम व्यवस्थापन समितिले जनाएको छ । यही फागुन ५ गतेका दिन गेरडा शिवधामको प्रांगणमा देउडा प्रतियोगिता हुने छ ।

प्रतियोगितामा सहभागी हुने प्रतियोगीहरुले भगवान शिवको महिमाको वर्णन हुने गरी देउडा गाउनुपर्ने व्यवस्था मिलाइएको समितिले जनाएको छ।

प्रतियोगितामा प्रथम हुने टिमले ५ हजार, द्वितीय हुनेले ३ हजार, तृतीय हुनेले २ हजार र सान्त्वना स्थान प्राप्त गर्ने दुई जनालाई ५÷५ सयका दरले पुरस्कार प्रदान गरिने समितिका सदस्य विवेकानन्द पाण्डेयले बताए।

देउडा प्रतियोगितामा सहभागी हुन चाहनेहरुले फागुन ५ गते बिहान १० बजेभित्र नामदर्ता गरिसक्नुपर्ने समितिका सदस्य पाण्डेयले बताए।

साथै , फागुन ६ गते महाशिवरात्रीको अवसरमा शिवाधाम रुद्राभिषेक सहित पूजाआजा हुने समितिले जनाएको छ ।

प्रकाशित मिति: बुधबार, फागुन ३, २०७९ १०:५८