मष्टावण्डली युवा क्लबद्धारा ओलानीमा दशै बिषेश कार्यक्रम भब्य रुपमा सम्पन्न

समाज

गृहपृष्ठ
समाज
मष्टावण्डली युवा क्लबद्धारा ओलानीमा दशै बिषेश कार्यक्रम भब्य रुपमा सम्पन्न

मष्टावण्डली युवा क्लबद्धारा ओलानीमा दशै बिषेश कार्यक्रम भब्य रुपमा सम्पन्न

मंगलबार, असोज २१, २०७६ हेमराज भट्ट

अत्तरिया - कैलालीको गोदावरी नगपालिका वडा नं ११ मा रहेको मष्टावण्डली युवा क्लबको आयोजनामा दशैतिहार शुभकामना आदान प्रदान तथा बृहत सास्कृतिक कार्यक्रम सम्पन्न भएको छ । मष्टावण्डली युवा क्लबका अध्यक्ष अशोक बडैलाको सभापतित्वमा सम्पन्न भएको उक्त कार्यक्रमको प्रमुख अतिथी गोदावरी नगरपालिकाका नगरप्रमुख हरि सिं साँउद रहनुभएको थियो ।

यस्तै कार्यक्रममा गोदावरी ११ का वडा अध्यक्ष शिव बि.क र १२ का वडा अध्यक्ष भिम बहादुर खड्का बिशिष्ट अतिथी रहनुभएको थियो । कार्यक्रममा बोल्दै प्रमुख अतिथी नगप्रमुख साँउदले ओलानीबासीका मागहरु सम्बोधनका लागि नगरपालिकाको तर्फवाट आफ्नो टिम लागि रहेको बताए । उनले ओलानीबासीको मुख्य समस्या चाक्ले खोलमा पुल र शुद्ध खानेपानी रहेकोले यसका लागि आफुहरुले योजना बनाइरहेको बताए ।

ओलानी क्षेत्र थुप्रै सम्भावनाको क्षेत्र रहेको बताउदै नगरप्रमुख साँउदले सो क्षेत्रलाई कुनै निश्चित पकेट क्षेत्रका रुपमा अगाडी बढाउन स्थानियहरुलाई आग्रह गरे । 'तपाईहरुले उत्पादन गरेका बस्तुहरुको बजार सम्म लैजाने जिम्मा स्थानिय सरकारले लिन्छ' उनले भने - 'बजारको चिन्ता नमान्नुहोस् , त्यसको जिम्मा हामी लिन्छौ तपाईहरु यस ठाँउमा कुनै पनि बस्तुहरु उत्पादन गर्नुस ।'

उनले सबै नगरबासीलाई यस बर्षको दशैतिहार निकै फलदायी होस भन्दै शुभकामना ब्यक्त गरे । बिबिध सास्कृतिक कार्यक्रम सहित आयोजना गरिएको उक्त कार्यक्रममा नेपाल आइडल सिजन २ का बिजेता रबि ओड , चर्चित लोकदोहरी गायक डिबी निरङ्कारी लगाएतका स्थानिय कलाकारहरुले आ आफ्ना प्रस्तुतिहरु राखेका थिए ।

कार्यक्रमलाई सफल पार्न सहयोग गर्ने सम्पुर्ण सहयोगि दाता र दर्शकहरुलाई मष्टावण्डली युवा क्लबका अध्यक्ष अशोक बडैलाले धन्यवाद दिए । हजारौ दर्शकहरुको सहभागिता रहेको उक्त कार्यक्रमको संचालन मष्टावण्डली युवा क्लबका बिष्णु बडैलाले गरेका थिए ।

प्रकाशित मिति: मंगलबार, असोज २१, २०७६ ०८:१०