अत्तरिया कृषि सहकारी सस्थाको ७ औँ बार्षिक साधारण सभा सम्पन्न

अर्थ

गृहपृष्ठ
अर्थ
अत्तरिया कृषि सहकारी सस्थाको ७ औँ बार्षिक साधारण सभा सम्पन्न

अत्तरिया कृषि सहकारी सस्थाको ७ औँ बार्षिक साधारण सभा सम्पन्न

शनिबार, पुस ९, २०७९ गोदावरी न्युज

अत्तरिया - अत्तरिया कृषि सहकारी सस्थाको ७ औँ बार्षिक साधारण सभा सम्पन्न भएको छ । आज एक औपचारिक कार्यक्रमका बिच पतन्जली योग सभा हलमा संस्थाको ७ औँ बार्षिक साधारण सभा सम्पन्न भएको हो ।

संस्थाका अध्यक्ष बिक्रम विश्वकर्माको सभापतित्वमा भएको कार्यक्रममा प्रमुख अतिथी प्रदेश साँसद प्रकाश बम रहेका थिए ।

विस २०७३ पौष १ गतेबाट ३३ जनाबाट सुरु भएको सहकारी संस्थामा हाल ९ सय १ सेयर सदस्य रहेका छन । बार्षिक प्रतिवेदन अनुसार संस्थाको शेयर पुजी २०७९असाढ मसान्त सम्म रु ५६ लाख ३० हजार ८ सय रुपैँया रहेको छ । यस्तै २०७९ असाढ मसान्त सम्म २ करोड ८८ लाख ५९ हजार ९ सय ३० उक्त संस्थाको निक्षेप रहेको संस्थाको बार्षिक प्रतिवेदनमा उल्लेख छ ।

सहकारी संस्थाले हाल ४ करोड ३१ लाख ५१ हजार ४ सय ९ रुपैया ऋण लगानी गरेको छ । संस्थाको स्थिर सम्पति रु ३ लाख १३ हजार ९ सय ५१ रहेको छ । यस्तै अहिले ९ सय १ सदस्य रहेकोमा आव २०७९- ८० मा ११ सय जना बनाउने लक्ष्य राखेको छ ।

संस्थाको आ.व. २०७८ - ७९ सालको बार्षिक प्रतिवेदन उक्त संस्थाका अध्यक्ष बिक्रम बिश्वकर्माले प्रस्तुत गरेका थिए, भने आ.व.२०७८ ७९ सालको लेखा समिति प्रतिवेदन लेखा समितिका संयोजक नन्दराज गरेको थिए । यस्तै संस्थाकी प्रवन्धक सक्रान्ती भट्टले आवको २०७८ - ७९ को प्रगति प्रतिवेदन तथा आ.व . २०७९ - ८० को अनुमानित बजेट प्रतिवेदन प्रस्तुत गरेकी थिईन् । उक्त साधारण सभामा संस्थाका विभिन्न विधामा उकृष्ट काम गरेका सदस्यहरुलाइ सम्मान स्वरुप प्रमाण पत्र समेत वितरण गरिएको थियो ।

प्रकाशित मिति: शनिबार, पुस ९, २०७९ १४:४८