बैतडीको एक बिद्यालयमा चोरी गर्ने दुई जना पक्राउ

समाज

गृहपृष्ठ
समाज
बैतडीको एक बिद्यालयमा चोरी गर्ने दुई जना पक्राउ

बैतडीको एक बिद्यालयमा चोरी गर्ने दुई जना पक्राउ

शुक्रबार, कात्तिक ४, २०७९ गोदावरी न्युज

बैतडी- बैतडीमा एक बिद्यालयमा चोरी गर्ने दुई जनालाइ प्रहरीले पक्राउ गरेको छ । बैतडीको दशरथचन्द नगरपालिका –१ स्थित मणिलेक मावि गुरुखोलाबाट ल्यापटप र कम्प्युटर चोरी गरेको आरोपमा दुईजनालाई पक्राउ परेका हुन् ।

असोज १४ गते राति ल्यापटप र कम्प्युटर चोरी गरेको आरोपमा दुईजनालाई पक्राउ गरिएको जिल्ला प्रहरी कार्यालय बैतडीका प्रवक्ता प्रहरी निरीक्षक लोकराज जोशीले बताए ।

प्रहरी निरीक्षक जोशीका अनुसार दशरथचन्द नगरपालिका वडा नं –४ का २० बर्षीय भुपेश भट्ट र सोही ठाउँका २१ बर्षीय खेमराम तिरुवालाई पक्राउ गरि अनुसन्धान शुरु भएको बताएका छन् ।

उनिहरुलाई मुलकी अपराध संहिता २०७४ को परिच्छेद २० को दफा २४३ अन्तर्गत चोरी मुद्दा दर्ता गरी अदालतबाट १० दिनको म्याद थपेर अनुसन्धान कार्य भइरहेको प्रहरीले जनाएको छ ।

दुवै जनाले दशरथचन्द नगरपालिका लगायतका अन्य विभिन्न स्थानमा समेत ल्यापटप चोरी गरेको खुल्न आएको प्रहरीले बताएको छ ।

प्रकाशित मिति: शुक्रबार, कात्तिक ४, २०७९ १३:३२