सुदूरपश्चिममा ‘बुढी पोल्ने’ संक्रान्ति मनाइदैँ

समाज

गृहपृष्ठ
समाज
सुदूरपश्चिममा ‘बुढी पोल्ने’ संक्रान्ति मनाइदैँ

सुदूरपश्चिममा ‘बुढी पोल्ने’ संक्रान्ति मनाइदैँ

शनिबार, असोज १, २०७९ गोदावरी न्युज

अत्तरीया- सुदूरपश्चिम प्रदेशमा आज शनिबार ‘बुढी पोल्ने’ पर्व अर्थात सुदूरपश्चिममा बुढी पोल्ने संक्रान्ति मनाइदैँछ ।

असोज १ गते संक्रान्तिका दिनलाई सुदूरपश्चिममा ‘बुढी पोल्ने’ पर्वका रुपमा मनाउने चलन रहेको छ । भाद्र संक्रान्ति अर्थात ओल्के संक्रान्तिका दिन गाउँ नजिकका अग्लो टाकुरामा सबैजना मिलेर गाडिएको सल्लाको वा अन्य बोटबिरुवाको लिङ्गोमा रूखका हाँगाबिगा काटेर एक ठाउँमा थुप्रो बनाइन्छ ।

यो थुप्रोलाई स्थानीय भाषामा ‘बुढी हाल्ने’ भनिन्छ । यो बूढीलाई नै आज असोज संक्रान्तिका साँझ प्रत्येक घर–घरबाट आगोको राँको एकैपटक निकाली एकैसाथ पोलेर ‘बूढी पोल्ने’ पर्व मनाउने परम्परा छ ।

किंवदन्ती अनुसार भगवान कृष्णले राक्षसी प्रवृतिकी पुतनालाई मारेपछि उनका साथी ग्वाला–गोठालाहरुले पुतनाको शव दहन गरेको भन्ने छ । द्वापर युगमा पुतनालाई भगवान कृष्णले दूध चुसी मारेको तथा विशाक्त दुध चुस्दा पनि कृष्ण बाँचेको खुसियालीमा असोज संक्रान्तिका दिन ‘बुढी पोल्ने’ पर्व मनाइने गरिएको हो ।

प्रकाशित मिति: शनिबार, असोज १, २०७९ १५:०६