कोरोनाको उपचारका लागि तोकिए १७ अस्पताल, सुदूरपश्चिमका लागि २ वटा अस्पताल तोक्यो

कोरोना अपडेट

गृहपृष्ठ
कोरोना अपडेट
कोरोनाको उपचारका लागि तोकिए १७ अस्पताल, सुदूरपश्चिमका लागि २ वटा अस्पताल तोक्यो

कोरोनाको उपचारका लागि तोकिए १७ अस्पताल, सुदूरपश्चिमका लागि २ वटा अस्पताल तोक्यो

मंगलबार, साउन १७, २०७९ गोदावरी न्युज

काठमाडौँ - स्वास्थ्य तथा जनसङ्ख्या मन्त्रालयले कोरोना भाइरसको सङ्क्रमण बढ्दै गएपछि सातवटै प्रदेशका अस्पतालमा उपचारको व्यवस्था गरेको छ । स्वाथ्य तथा जनसंख्या मन्त्रालयको असार ३१ गतेको निर्णय अनुसार कोरोनाको निशुल्क उपचारका लागि देशभर १७ वटा अस्पताल तोकिएको हो।

मन्त्रालयका सहप्रवक्ता डाक्टर समीरकुमार अधिकारीले कोरोना भाइरसको मध्यम र गम्भीर अवस्थाका बिरामीलाई उपचारका लागि सातवटै प्रदेशमा रहेका १७ संघ र प्रादेशिक अस्पतालको व्यवस्था गरिएको जानकारी दिए ।

उनका अनुसार प्रदेश नं १ को कोशी अस्पताल विराटनगर र विपी कोइराला स्वास्थ्य विज्ञान प्रतिष्ठान धरान, मधेस प्रदेशको जनकपुर प्रादेशिक अस्पताल जनकपुर र नारायणी अस्पताल वीरगञ्ज रहेका छन् ।

यस्तै बागमती प्रदेशको शुक्रराज ट्रपिकल तथा सरुवा रोग अस्पताल टेकु, भरतपुर अस्पताल चितवन, वीर अस्पताल काठमाडौँ, त्रिभुवन विश्वविद्यालय ९त्रिवि० अस्पताल र पाटन स्वास्थ्य विज्ञान प्रतिष्ठान तथा गण्डकी प्रदेशमा पोखरा स्वास्थ्य विज्ञान प्रतिष्ठान र धौलागिरि अस्पताल बागलुङ रहेका छन् ।

यस्तै लुम्बिनी प्रदेशको लुम्बिनी प्रादेशिक अस्पताल बुटवल र भेरी अस्पताल नेपालगञ्ज, कर्णाली प्रदेशमा कर्णाली स्वास्थ्य विज्ञान प्रतिष्ठान जुम्ला र सुर्खेत प्रादेशिक अस्पताल वीरेन्द्रनगर तथा सुदूरपश्चिम प्रदेशमा सेती प्रादेशिक अस्पताल धनगढी र डडेल्धुरा अस्पताल रहेका छन् ।स्वास्थ्य मन्त्रालयका अनुसार तोकिएका यी अस्पतालमा कोभिड–१९ का मध्यम तथा गम्भीर बिरामीको निशुल्क उपचार हुनेछ।

प्रकाशित मिति: मंगलबार, साउन १७, २०७९ ०९:१८