२२ लाख रुपैयाँ खाएको आरोपमा डडेल्धुराको एक सामुदायिक बनका अध्यक्ष नियन्त्रणमा

समाज

गृहपृष्ठ
समाज
२२ लाख रुपैयाँ खाएको आरोपमा डडेल्धुराको एक सामुदायिक बनका अध्यक्ष नियन्त्रणमा

२२ लाख रुपैयाँ खाएको आरोपमा डडेल्धुराको एक सामुदायिक बनका अध्यक्ष नियन्त्रणमा

शुक्रबार, असार २४, २०७९ गोदावरी न्युज

डडेल्धुरा- डडेल्धुराको आलिताल गाउँपालिका– ३ मा रहेको तुङ्गा सामुदायिक वन उपभोक्ता समितिका अध्यक्ष सर्वजित मडैलाई डिभिजन वन कार्यालय डडेल्धुराले नियन्त्रणमा लिएको छ।

सामुदायिक वनको खातामा रहेको २२ लाख रुपैयाँ खाएको आरोपमा उनलाई नयन्त्रणमा लिइएको हो। शुक्रबार अध्यक्ष मडैसँगै सामुदायिक वन उपभोक्ता समितिका कागजपत्र नियन्त्रणमा लिएको डिभिजन वन कार्यालय डडेल्धुराका डिभिजनल अधिकृत रामविचारी ठाकुरले जानकारी दिए।

मडैलाई नियन्त्रणमा लिएर अनुसन्धान भइरहेको डिभिजनल अधिकृत ठाकुरको भनाइ छ। ‘अनुसन्धान गरिरहेका छौं, मडैले २२ लाख रुपैयाँ खाएको स्विकार गरिसके। हाम्रो टोली खटिएको छ’, उनले भने।

बिहीबार राति धर्मेन्द्र बास्तोला नेतृत्वको नेकपा बहुमतका कार्यकर्ताले अध्यक्ष मडैलाई भ्रष्टाचारको आरोपमा कालोमोसो दलेका थिए। उनले किर्ते कागज गरी समुदायिक वन उपभोक्ता समिति र सव डिभिजन वन कार्यालय आलिताललाई छलेर सामुदायिक वनको खातामा रहेको २२ लाख रुपैयाँ खाएको आरोप छ ।

प्रकाशित मिति: शुक्रबार, असार २४, २०७९ १५:१९