एमालेबाट निर्वाचित जनप्रतिनिको संकल्प :हामी शासक होइन, जनताको सेवक हुनेछौँ

राजनीति

गृहपृष्ठ
राजनीति
एमालेबाट निर्वाचित जनप्रतिनिको संकल्प :हामी शासक होइन, जनताको सेवक हुनेछौँ

एमालेबाट निर्वाचित जनप्रतिनिको संकल्प :हामी शासक होइन, जनताको सेवक हुनेछौँ

शुक्रबार, असार ३, २०७९ गोदावरी न्युज

काठमाडौं– एमालेले स्थानीय तह चुनावबाट निर्वाचित आफ्ना जनप्रतिनिधिहरूका लागि २० बुँदे संकल्प जारी गरेको छ । काठमाडौँमा आयोजित दुई दिने जनप्रतिनिधिहरूको प्रशिक्षण तथा अभिमुखीकरण भेलाले शुक्रबार पार्टी अध्यक्ष केपी शर्मा ओलीको उपस्थितिमा २० बुँदे संकल्प जारी गरेको हो ।

२० बुँदे उक्त संकल्पपत्रको सुरुमा एमालेले लेखेको छ– हामी स्थानीय तह निर्वाचन २०७९ मा नेकपा एमालेका तर्फबाट नवनिर्वाचित जनप्रतिनिधिहरू पार्टीका सिद्धान्त, नीति र कार्यदिशाबाट दिशा निर्देशित निर्वाचनमा जारी घोषणापत्र र प्रतिवद्धतालाई आधार मानेर निर्वाचनमा अभिव्यक्त जनअभिमत, हामीसँग मतदाताहरूले गर्नुभएका आशा, अपेक्षा र भरोसालाई केन्द्रविन्दुमा राखेर संकल्प गर्दछौँ ।

संकल्पपत्रमा, ‘हामी शासक होइन, जनताको सेवक हुनेछौँ, हाम्रो नेतृत्वमा रहेका पालिकाहरू सुशासनका नमूना बन्नेछन्, हामीहरू सदाचारमा नमूना बन्नेछौँ, आफूले कुनै भ्रष्टाचार गर्नेछैनौँ र कडाइका साथ भ्रष्टाचार नियन्त्रण गर्नेछौँ’लगायतका प्रतिबद्धता समावेश छन्।

पार्टीले नवनिर्वाचित आफ्ना जनप्रनिधिहरुलाई प्रशिक्षण दिन काठमाडौंको सभागृहस्थित बिहीबार र शुक्रबार जनप्रतिनिधिको भेला आयोजना गरेको थियो । भेलाको दोस्रो दिन आज पार्टीले संकल्पपत्र जारी गरेको हो।