प्रतिनिधि सभा बैठक बस्दै, आज बजेट पारित गर्ने तयारी

देश

गृहपृष्ठ
देश
प्रतिनिधि सभा बैठक बस्दै, आज बजेट पारित गर्ने तयारी

प्रतिनिधि सभा बैठक बस्दै, आज बजेट पारित गर्ने तयारी

बुधबार, असार १, २०७९ गोदावरी न्युज

काठमाडौं - प्रतिनिधि सभाको बैठक बुधबार पनि बस्नेछ । सभामुख अग्नि सापकोटाले बुधबार बिहान ११ बजेको लागि प्रतिनिधि सभाको बैठक बोलाएका छन् ।

बुधबार बिहान बस्ने बैठकको सम्भावित कार्यसूचीमा विभिन्न १२ मन्त्रालयको बजेटबारे उठेका प्रश्नको सम्बन्धित मन्त्रीले जवाफ दिने, विभिन्न सांसदहरुले खर्च कटौतीको प्रस्ताव गर्ने र अर्थमन्त्री जनार्दन शर्माले बजेट पारित गरियोस् भनेर प्रस्ताव प्रस्तुत गर्ने उल्लेख छ । आर्थिक वर्ष २०७९/८० को बजेट प्रतिनिधि सभाको आजको बैठकबाट पारित गर्ने तयारी छ ।

प्रमुख प्रतिपक्षी दल नेकपा एमालेले अर्थ मन्त्री जनार्दन शर्माको राजीनामा माग गर्दै मंगलबार संसद् अवरोध गरेको थियो । अर्थ मन्त्री शर्माले बजेट सार्वजनिक गर्नुअघि मन्त्रालयमा अनधिकृत व्यक्तिलाई प्रवेश दिई करका दर हेरफेर गरेको भन्ने समाचार सार्वजनिक भएको भन्दै प्रमुख प्रतिपक्षी दल नेकपा एमालेले मन्त्री शर्माको राजीनामा मागेको छ ।बुधबारको बैठकमा पनि अवरोध गर्ने एमालेको तयारी छ ।

प्रकाशित मिति: बुधबार, असार १, २०७९ ०७:३२