अत्तरिया - कैलालीको गोदावरी नगरपालिका वडा नं ७ लालपुरमा मेयर कप फुटबल प्रतियोगिता हुने भएको छ । लालपुरमा रहेको माईलस्टोन युवा क्लबको आयोजनामा यही पुस २५ गते देखी २९ गते सम्म माईलस्टोन मेयर कप 9A साईड पुरुष खुल्ला फुटबल प्रतियोगिता २०७८ हुने भएको हो ।
आयोजक माईलस्टोन युवा क्लबले आज अत्तरियामा पत्रकार सम्मेलनको आयोजना गरी प्रतियोगिताका बारेमा जानकारी दिएको हो ।
प्रतियोगिताको बिजेता हुने टिमलाई १ लाख र उप बिजेता हुने टिमलाई ५० हजार नगद सहित ट्रफि र मेडल प्रदान गरिने खेल संयोजक प्रेम बोहराले जानकारी दिए । यस्तै बिभिन्न बिधाका ५ जना उत्कृष्ट हुने खेलाडीहरुलाई पनि नगद र ट्रफि प्रदान गरिने छ ।
कुल ८ लाख १५ हजार रुपैया खर्च हुने अनुमान गरिएको उक्त प्रतियोगिताका खेलहरु गोदावरी नगरपालिका वडा नं ७ लालपुरमा रहेको खैरेनी खेल मैदानमा हुने खेल संयोजक बोहराले बताए । प्रतियोगितामा सहभागि हुनका लागि कैलाली जिल्लाको कुनै पनि क्लबबाट देशभरी रहेका खेलाडीहरुले भाग लिन पाउने समेत उनले बताए ।
यस प्रतियोगितामा ८ वटा टिम सहभागिता रहने आयोजकले जनाएको छ । आयोजक माईलस्टोन युवा क्लबका अध्यक्ष डिल्लीराज भट्टको सभापतित्वमा सम्पन्न भएको पत्रकार सम्मेलनमा अत्तरिया उद्योग वाणिज्य संघका अध्यक्ष अशोक देवकोटा प्रमुख अतिथी रहेका थिए । यस्तै अतिथीमा पिएफ एम स्पोट्स क्लबका संस्थापक अध्यक्ष सन्तोश भट्ट रहेका थिए ।
सुपको राजधानीको रुपमा रहेको गोदावरी नगरपालिकालाई फुटबलको माध्यामवाट देशभर चिनाउने र आगामी दिनमा यस क्षेत्रबाट राष्ट्रिय तथा अन्तरराष्ट्रिय फुटबल खेलाडीहरु उत्पादन गर्ने उद्देश्यले माईलस्टोन मेयर कप पुरुष खुल्ला फुटबल प्रतियोगिताको आयोजना गरिएको अध्यक्ष भट्टले बताए ।
उनले यो प्रतियोगितालाई सम्पन्न गर्न गोदावरी नगरपालिकाको आर्थिक सहयोग रहेको र केही सहयोगहरु स्थानियस्तरबाट रहेको बताएका छन् । खेलअबधिभर १५ देखी २० हजार दर्शकहरुले खेलको अबलोकन गर्ने अनुमान गरिएको आयोजकले बताएको छ ।
