अहिले हामी मुख्यमन्त्री बदल्ने पक्षमा छैनौं : मन्त्री सोडारी

राजनीति

गृहपृष्ठ
राजनीति
अहिले हामी मुख्यमन्त्री बदल्ने पक्षमा छैनौं : मन्त्री सोडारी

अहिले हामी मुख्यमन्त्री बदल्ने पक्षमा छैनौं : मन्त्री सोडारी

शनिबार, मंसिर १८, २०७८ गोदावरी न्युज

डडेल्धुरा - सुदूरपश्चिम प्रदेशका भौतिक पूर्वाधार विकास मन्त्री दीर्घ सोडारीले प्रदेश सरकार परिर्वतन नहुने बताएका छन्। डडेल्धुरामा आयोजित पत्रकार भेटघाट कार्यक्रममा उनले यस्तो बताएका हुन्।

नेकपा (एकीकृत समाजवादी) केन्द्रीय सदस्य तथा सुदूरपश्चिम संसदीय दलका नेतासमेत रहेका सोडारीले सरकार बदल्ने कुरामा आफूहरूको चाँसो नरहेको बताए। प्रदेश सरकार परिवर्तन गर्दा अस्थिरता जन्मिने उनको भनाइ छ। प्रदेश सरकार बदल्दा कर्मचारीसमेत काम नगर्ने र यसले कार्यसम्पादनमा असर पर्ने हुँदा सरकार परिवर्तनमा ध्यान नरहेको मन्त्री सोडारीले बताए।

‘अहिले हामी मुख्यमन्त्री बदल्ने पक्षमा छैनौं। यसले गर्दा अस्थिरता जन्मिन्छ। कर्मचारीहरू पनि काम गर्दैनन्,’ उनले भने, ‘अहिलेको सरकार तीव्र गतिमा काम गरोस् भन्ने हाम्रो इच्छा हो त्यहीँ अनुसार काम अगाडि बढाइरहेका छौँ।’ एकीकृत समाजवादी सुदूरपश्चिम प्रदेशसभाको सबैभन्दा ठूलो दल हो। सुदूरपश्चिम प्रदेशसभामा उसका १४ जना सांसद छन्।

प्रकाशित मिति: शनिबार, मंसिर १८, २०७८ १३:१७

प्रतिक्रिया दिनुहोस्