रामचन्द्र पाैडेल समूहले सुदूरपश्चिम प्रदेशमा पदाधिकारीको उम्मेदवारका सुची सार्बजनिक गर्‍यो

राजनीति

गृहपृष्ठ
राजनीति
रामचन्द्र पाैडेल समूहले सुदूरपश्चिम प्रदेशमा पदाधिकारीको उम्मेदवारका सुची सार्बजनिक गर्‍यो

रामचन्द्र पाैडेल समूहले सुदूरपश्चिम प्रदेशमा पदाधिकारीको उम्मेदवारका सुची सार्बजनिक गर्‍यो

शुक्रबार, मंसिर १७, २०७८ गोदावरी न्युज

कैलाली -नेपाली काँग्रेसको वरिष्ठ नेता रामचन्द्र पाैडेल समूहले सुदूरपश्चिम प्रदेशमा पदाधिकारीको उम्मेदवारका सुची सार्बजनिक गरेकाे छ । धनगढीकाे राष्ट्रिय बैंक गेस्टहाउसमा भएकाे सुदूरपश्चिमका पाैडेल पक्षीय नेताहरुकाे बैठकले सभापतिदेखि महामन्त्रीसम्मका पदाधिकारीका उम्मेदवार तय गरेकाे हाे ।

सभापतिमा कैलालीका नारायण मिश्र, उपसभापति गाेपाल गुरुङ (कञ्चनपुर), मानबहादुर रावल (बाजुरा), महामन्त्रीमा प्रताप गुर्दामी (बझाङ)र रामबहादुर शाही (अछाम) उम्मेदवार बन्ने भएका छन् । त्यस्तै सहमहामन्त्रीमा पदमराज पन्त (दार्चुला), नरेन्द्र भट्ट (बैतडी) उम्मेदवार बन्ने भएका छन् ।

देउवा पक्षसँग भागबन्डामा कुरा नमिलेपछि पाैडेल समूहले उम्मेदवार खडा गरेकाे हाे । यता देउवा देउवा पक्षमा सभापतिका आकांक्षी धेरै भएपछि उम्मेदवार छनाेटमा सकस परेकाे छ । आज विहानैबाट देउवा पक्षका नेताहरू पनि आन्तरिक छलफलमा छन् । देउवा समूहले अहिलेसम्म पदाधिकारीका उम्मेदवार तय गर्न सकेकाे छैन ।

प्रकाशित मिति: शुक्रबार, मंसिर १७, २०७८ १३:५१

प्रतिक्रिया दिनुहोस्