अत्तरिया - चर्चित लोकदोहोरी तथा देउडा गायिका हेमन्ता भट्टराईले कैलालीको गोदावरी नगरपालिका वडा नं १० भागेश्वरबासीलाई भरभूर मनोरञ्जन प्रदान गरेकी छन् ।
स्थानिय सान्निकोट युवा क्लबले आयोजना गरेको भलिबल प्रतियोगितको समापन कार्यक्रममा आतिथी कलाकारका रुपमा सहभागी भएकी गायिका भट्टराईले कार्यक्रममा सहभागी दर्शकहरुलाई आफ्ना गितहरु गाउदै दर्शकहरुलाई भरभूर मनोरञ्जन प्रदान गरेकी हुन् ।
एक सफल उद्धघोषिका समेत रहेकी उनले कार्यक्रममा सहभागी सबैलाई नचाउन देखी देउडा समेत खेलाएर कार्यक्रमलाई निकै रमाईलो बनाइन् ।
उनले आफ्ना गितहरु यदी तिमीलाई पाएन भने ठाउँको ठाउँ मर्छु , तिम्रो मेरो लभले , मैना मरेली लगाएतका गितहरु गाउदै दर्शकहरुलाई नचाएकी हुन् ।
यस्तै भरखरै बजारमा आएको उनको देउडा गित मैना मरेलीमा कार्यक्रममा सहभागी बालक देखी बृद्धबृद्धा , युवायुवतीहरु देउडामा खेल्दै रमाएका थिए ।
उनको प्रस्तुतिको कार्यक्रममा सहभागी सबैले प्रशंसा गरेका छन् । कार्यक्रममा गायिका हेमन्ता भट्टराईसंगै सुदूरपश्चिमकी चर्चित हास्य कलाकार भिम बिष्ट अछामी रेखा , गायक प्रेम बम बोगटीले आ आफ्ना प्रस्तुतिहरु राखेका थिए ।
शान्निकोट युवा क्लबका सल्लाहाकार समितका संयोजक झंकर कुबरको सभापतित्वमा सम्पन्न भएको कार्यक्रममा गोदावरी नगरपालिका वडा नं १० का वडा अध्यक्ष रविन्द्र शाही प्रमुख अतिथी रहेका थिए भने कैलाली जनपुस्तकालयका अध्यक्ष , पत्रकार , शिक्षविद् डा. टिएन जोशी बिशिष्ट अतिथीमा रहेका थिए ।
कार्यक्रममा भलिबल प्रतियोगिताको बिजेता र उप बिजेता टिमलाई पुरस्कार प्रदान गरिएको थियो ।
