सुदूरपश्चिमको प्रशिद्ध बडाल जाँत (मेला) आज लाग्ने

सुदुरपश्चिम प्रदेश

गृहपृष्ठ
सुदुरपश्चिम प्रदेश
सुदूरपश्चिमको प्रशिद्ध बडाल जाँत (मेला) आज लाग्ने

सुदूरपश्चिमको प्रशिद्ध बडाल जाँत (मेला) आज लाग्ने

सोमबार, कात्तिक २९, २०७८ गोदावरी न्युज

डडेल्धुरा - सुदूरपश्चिमको प्रशिद्ध बडाल जाँत (मेला) आज लाग्ने भएको छ । डडेलधुराको गन्यापधुरा गाउँपालिका वडानं २ बडाल स्थित बडाल जाँत आज लाग्ने भएको हो ।

चौलोले प्रख्यात रहेको बडाल जाँत कात्तिक शुक्ल दशमीको दिन राति रतेडी र दोस्रो दिन दिउसेडी लाग्ने गर्दछ ।

लाटा गन्याप देवताको भक्ति स्वरूप बनाइने चौलोले प्रख्यात बडाल जाँतमा स्थानीय बाजागाजा, भोक्कर, देवलहरूका भाला, गुर्जा, खुकुरी र तरबार हातहातमा समातेर खेलिने भएकाले यस मेलाले सुदूरपश्चिममा प्रसिद्धि पाएको छ।

शुक्ल नवमीका राति पूजा गरी, जाग्राम बसेर दोस्रो दिन बिहानदेखि लाटागन्याप देवताको दर्शन गरे मनोकामना पूरा हुने भन्ने जनविश्वास रहेको छ।

दाइन, दमाहा, रुइसिंग, भोक्कर बाजागाजाका साथ स्थानीय हातमा ढाल तरबार खेलाई चौलो खेल्दै गाँज नचाई सकेपछि बडाल जाँत सम्पन्न हुने गर्छ ।

प्रकाशित मिति: सोमबार, कात्तिक २९, २०७८ १०:१०

प्रतिक्रिया दिनुहोस्