अत्तरिया - कोरोनाको पहिलो र दोस्रो चरणमा गरेर झण्डै एक बर्ष नै थलिएको अत्तरिया बजारको ब्यापार ब्यवसाय बिस्तारै चलायमान हुन थालेको छ ।
विश्वब्यापी महामारीका रुपमा फैलिएको कोरोना भाईरसको संरक्षण रोकथामका लागि सरकारले लकडाउन गरे पछि ठप्प रहेको यहाँको ब्यापार ब्यावसाय अहिले जनजिवन समान्य बनेसंगै बिस्तार माथि उठ्दै चलायमान हुन थालेको हो ।
कोरोना महामारी आउनु भन्दा पहिलेको जस्तो ब्यापार नभएपनि अहिले जनजिवन समान्य बन्दै गएपछि केही राहत भने भएको अत्तरियाका ब्यापारीहरुले बताएका छन् । अत्तरिया चोकमा रहेको ए एण्ड ए किचन बेयर भाँडा पसलका संञ्चालक रवि खनालले कोरोनाकालमा ब्यापारीहरु सबै भन्दा बढी मारमा परेको बताए ।
नयाँ पसल संचालन गरेको केही समयमै विश्वब्यापी महामारीका रुपमा फैलिएको कोरोना महामारी र त्यसपछि जारी लकडाउनले सबै ब्यापार चौपट भएपनि अहिले भने पहिले भन्दा केही राहात भैरहेको उनले बताए ।
"पहिलो जस्तो त ब्यापार कहाँ हुन्थ्यो , तर पसल बन्द गरेर घर भित्र बस्नुपर्ने पिडा भन्दा त पसल खोलेर बस्न पाइएको छ" उनले अगाडी भने - "सामान्य ब्यापार भैरहेको छ तर यसमा खुसी हुनुपर्ने अबस्था भने छैन । "
उनले लामो समयको लकडाउनका कारण उधोगबन्दा , कलकारखाना , ब्यापार ब्यावसाय र आफ्नो दैनिक गतिबिधिनै प्रभावित भएकाले धेरैको आर्थिक अबस्थामा कमजोर बन्न पुगेको बताए । कोरोनाले गर्दा धेरैले अकालमै ज्यान गुमाउनपर्दा तिका घरपरिवार अहिले पनि पिडामै रहेकाले सहजै रुपमा बजारमा किनमेल गर्ने र आवतजावत गर्ने अबस्था नरहेको उनको भनाई छ ।
उनले अब कोरोना महामारी कम हुदै जनजिवन समान्य हुदै जादाँ ब्यापारीहरुलाई सहज हुदै जाने बताए । गोदावरी होटल ब्यवसायी संघकी अध्यक्ष धना चोखालले कोरोनाले गर्दा धेरै ब्यापारीहरु बिस्तापित हुनु परेको बताइन् ।
उनले कोरोनाले सबै क्षेत्रलाई असर पारेको र अझै ठूलो ठूलो लगानीमा स्थापना भएका होटलहरुको अबस्था धरासयी बन्न पुगेको बताइन् । न्यू सत्कार होटल तथा दोहोरी साँझकी संचालिका समेत रहेकी उनले सामन्य अबस्थामा आफुले मात्रै महिनाको एक लाख भन्दा बढीको कारोबार गर्दै आएपनि अहिले भने मुस्किलले १० देखी २० हजारको कारोबार भैरहेको बताइन् ।
उनले गोदावरी क्षेत्रमा रहेका सबै होटलहरुले गर्ने कारोबारमा ३ अर्ब बढीको घाटा भएको बताइन् । यद्धपी अहिले जनजिवन सामान्य बनेपछि बिस्तारै होटल ब्यवासायीहरु आफ्नो पुरानो लय फर्काउने प्रयासमा लागि रहेको उनले बताइन् । झण्डै एक बर्ष बन्द भएको उनको दोहोरी साँझ पनि केही दिन अघि देखी नयाँ ब्यबस्थापनका साथ संञ्चालनमा आएको छ ।
अब कोरोनाको महामारी रोकिएमा बिस्तारै अत्तरियाको ब्यापार ब्यबसाय चलायमान हुदै जाने उनको भनाई रहेको छ । अत्तरिया उधोग वाणिज्य संघका अध्यक्ष अशोकराज देवकोटाले कोरोनाको महामारी केही कम हुदाँ ब्यापारीहरु उत्साहित भएको बताए ।
उनले अब नेपालीहरुको महान चार्डहरु नजिकिदै गैरहेकाले पनि यहाँको ब्यापार ब्यवसाय केही बढ्छ कि भन्ने आशा सम्पूर्ण ब्यवासायीहरुमा पलाएको बताए ।
"पहिलो जस्तो गति लिन त अझै समय लाग्छ तर पनि अहिले केही जनजिवन समान्य हुदाँ ब्यापारीहरु उत्साहित छन् , लगानी पनि बस्तारै बढ्दै छ" उनले भने - "तर कोरोना भन्दा पहिला जस्तो ब्यापार ब्यबसाय हुन्थ्यो त्यस्तो हुन अबस्थामा भने तत्काल छैन , किन भने धेरै ब्यापारीहरु ब्यापार ब्यबसाय कोरोले गर्दा चौपट भयो ,कतिपयको लाखौ करोडौ लगानी पनि डुब्ने अबस्थ आयो , बजार अझै चलायमान हुन भने सकेको छैन ।"
उनले अत्तरिया बजारको ब्यापार ब्यबसायलाई अत्तरिया चोक वरपरको सडक कालोपत्रेमा ढिलाई हुदाँ त्यहावाट आउने धुलोधुवाले सबैभन्दा बढी दुख दिइरहेको बताए । यस्तै नगरपालिकाले बजार क्षेत्रको फोहोर मैला , ढल निकास लगाएत अन्य ब्यवस्थापनमा ध्यान नदिदाँ यहाँको ब्यापारीहरुलाई निकै समस्या रहेको उनले बताए ।
उनले अत्तरिया उधोग वाणिज्य संघको पहलमा गोदावरी नगरपालिका क्षेत्रका केही ब्यापारीहरुलाई कोरोना खोप उपलब्ध गराएको भएपनि अझै धेरै ब्यापारीहरुले खोप पाउन नसकेकोले पनि ब्यापार ब्यबसाय संचालनमा कठिनाइ रहेको बताए ।
उनले अत्तरियामा उधोगधन्दा , कलकारखाना , होटल , फेन्सी , किराना लगाएतका पसलहरुमा लगानी गर्नेहरु बढ्ने क्रममा रहेपनि यहाँको स्थानिय सरकारको फितलो ब्यवस्थापनले भने ब्यापारीहरु निराश रहेको बताए ।
कोरोना महामारी र त्यसपछि जारी लकडाउनले निकै मारमा परेको ब्यापारीहरुका लागि अहिले देशमा रहेको तिनै तहको सरकारले गम्भिर भएर ध्यान दिनुपर्ने उनको भनाई रहेको छ ।
