अत्तरिया - नेपाली कांग्रेसका नेता दिर्घराज भाटले कांग्रेस भएर अन्तरघात गर्नेहरुलाई आफुहरुले पनि नछोड्ने बताएका छन् । अत्तरियामा सम्पन्न गोदावरी नगरपालिका वडा नं २ का कृयाशिल सदस्यहरुसंगको भेटघाट तथा भेला कार्यक्रममा बोल्दै उनले यस्तो बताएका हुन्।
संघिय सरकारको पूर्व वन राज्यमन्त्री समेत रहेको नेता भाटले ३६४ दिन कांग्रेस भन्दै हिड्ने अनी चुनावको १ दिन सूर्य चिन्ह्र भोट हालेर आफ्नै पार्टीका उमेद्वारहरुलाई हराउन लाग्नेहरुलाई आफुहरुले पनि त्यसरी नै हराउने बताएका हुन ।
आफू संघिय वन रान्यमन्त्री भएको बेला नगरपालिकाको कार्यक्रम बिथोल्ने देखी पार्टीले निर्णय गरेर दिएको नगरपालिकाको मेयरको टिकट ल्याएर आएका नेताहरुलाई हराउन लागेका अन्तरघाती सँग मिल्नु भन्दा अब आफूहरुले पनि हराएर देखाउने उनको भनाई छ ।
'हिजोका दिनमा म संघिय सांसद र मन्त्री हुँदा नगरपालिकामा जनप्रतिनिधि आएका थिएनन् , मलाई प्रमुख अतिथी राखेको कार्यक्रम एक पटक होइन दुई \ दुई पटक बिथोलियो , त्यो पिडा मैले भूलेको छैन' उनले भने , 'नगरपालिकाको मेयरको आकांक्षी धेरै थिए , तर पाटीले एक जनालाई अधिकारीक रुपमा टिकट दिएर पठाइसकेपछि सबै काग्रेसले एक जुट भएर जिताउनुपर्ने हो तर बिडम्बना यहाँ त उल्टै आफ्नै मान्छेलाई हराउन भन्दै कांग्रेसका केही नेताहरु गाउँ गाउँमा पसे , जिताउन भन्दा हराउन तर्फ बढी लागे ।'
उनले आफ्नै पाटीको नेता प्रमुख अतिथी हुदाँ कार्यक्रम बिथोल्नेहरु कहिले कांग्रेस हुन नसक्ने बताए । उनले बरु त्यो बेला बिपक्षी पाटीका नेता लेखराज भट्टले आफुलाई सहयोग गरेको समेत बताए ।
आफुले बिचमा जे जस्तो भएपनि यस क्षेत्रमा सबै कांग्रेस नेताहरु एक ठाउँमा आउनुपर्छ भन्दै पटक पटक मेलमिलापको कुरा गर्दा अर्को पक्ष कुनै मतलब नगरेको बताए ।
'हामीले बिचमा जे जे भयो अब कांग्रेसलाई मजबुत बनाएर लैजानुपर्छ आउनुहोस हामी एक जुट भएर जानुपर्छ भनेर पटक पटक भन्यौ तर उहाँहरुले हाम्रो कुरा सुन्नेमा पक्षमा भएनन्,' उनले भने 'अनि अब के हामीले टाङ्मुनि पसेर मिलौ भन्ने हो त , अब मिल्ने होइन अब हामी पनि हराउंछौ , गोदावरीमा, गौरीगंगा र चुरेमा पनि हराउँछौ ।'
उनले काग्रेसमा यस्तै ब्यक्ती रहि रहेको खण्डमा पाटी नै धरापमा पर्ने भएकाले आफूहरुले थालेको कांग्रेस सुधार अभियानमा एक जुट भएर लाग्न सबै कार्यकर्ताहरुलाई आग्रह गरे । उनले आगामी महाधिबेशनमा सबै एक ढिक्का भएर हिजो गल्ती नगरेका , इमान्दार ,क्षमतावान र सबैलाई मिलाएर लैजाने सक्ने टिमलाई नै विजयी गराउन आग्रह गरेका छन् ।
सोही कार्यक्रममा बोल्दै महाधिबेशन प्रतिनिधि एबम् गोदावरी नगरपालिकाको मेयर पदका उमेद्वार विरेन्द्र भट्टले आसन्न १४ औ महाधिबेशन सफल पार्न सबैले लाग्नुपर्ने बताए । उनले असल र सही नेतृत्वलाई जिताएर बिगतका दिनमा अन्तरघात गर्नेहरुलाई यही महादिवेशनवाट परास्त पार्नुपर्ने बताए ।
यस्तै सोही कार्यक्रममा बोल्दै काग्रेस जिल्ला किमिटी सदस्य बसन्त रोकायाले आसन्न १४ औ महादिवेशनमा गोदावरीका १२ वटै वडावाट आफ्नो टिमको जित सुनिश्चित रहेको बताए ।
उनले हिजोका दिनमा काग्रेस हुँँ भन्दै कांग्रेस माथि ठूलो अन्तरघात गर्नेहरुलाई यस क्षेत्रका सबै नेता कार्यकर्ताहरुले राम्ररी बुझेकाले १२ ओटै वडावाट आफ्नो टिमको जित सुनिश्चित रहेको दाबी गरे ।
अर्को पक्षमा सुरुमै टिम बनाएर लागेको बताउँदै त्यसपछि आफुहरु पनि रहरले नभई बाध्यताले अलग टिमका साथ बाहिर आएको उनको भनाई छ ।
उनले आफु जिल्ला कार्य समितिमा रहेको बेला पटक पटक गाउँ गाउँमा गएर आफ्ना प्रशिक्षणको कार्यक्रम राखौं,वडा भेला गरौ , नगर भेला गरौँ भन्दा नमान्ने अहिले भने महादिवेशनको मुखमा आएर बिधान बिपरित वडा भेला भैरहेको बताए ।
उनले वडा नं २ मा निकै बलियो टिम तयार भएकाले ढुक्कका साथ आफ्नो पुरै टिमलाई जिताएर वडाका सबै कृयशिल सदस्यहरुलाई आग्रह गरे ।
कार्यक्रममा कांग्रेस नेता उत्तम कठायत , टिकादत्त जोशी , हरि भट्टराई ,महिला नेतृ तुलसी देवकोटा , गोपाल दत्त भट्ट , विर बहादुर भाट , प्रकाश देउवा लगाएतका वडा नं २ का कृयशिल सदस्यहरुको सहभागिता रहेको थियो । कार्यक्रमको संचालन काग्रेसका युवा नेता प्रेमराज भट्टले गरेक थिए ।
