बैतडीमा लेबल नभएको ५४ लिटर मदिरा नष्ट

समाज

गृहपृष्ठ
समाज
बैतडीमा लेबल नभएको ५४ लिटर मदिरा नष्ट

बैतडीमा लेबल नभएको ५४ लिटर मदिरा नष्ट

बिहीबार, साउन २३, २०७६ गोदावरी न्युज

बैतडी – बैतडीमा लेबल नभएको मदिरा नष्ट गरिएको छ । सिगास गाउँपालिकाको केन्द्र गर्जे नजिकै एक पसलबाट अवैध मदिरा बरामद गरी नष्ट गरिएको हो । लेबल नभएको ओरेन्ज नामको ५४ लिटर जति मदिरा बरामद गरेर नष्ट गरिएको सिगास गाउँपालिकाका निमित्त प्रमुख प्रशासकीय अधिकृत जनकसिंह धामीले जानकारी दिए ।

उक्त मदिरा व्यापारी मानसिंह ऐरको पसलबाट बरामद गरिएको अधिकृत धामीले बताए । गाउँपालिकाले गाउँपालिकाको केन्द्र नजिक मदिराको कारोबार नगर्न सूचना जारी गरिसकेको र मानव स्वास्थ्यमा गम्भीर समस्या निम्त्याउने खालको मदिरा विक्रि भईरहेको सूचनाको आधारमा छापा मार्दा मदिरा बरामद गरि नष्ट गरिएको धामीले बताए ।

प्रहरी, जनप्रतिनिधि र कर्मचारीहरुको संयुक्त टोलीले अवैध मदिरा बरामद गरी नष्ट गरेको प्रहरीले जनाएको छ । यस्तै मदिरा विक्रि वितरण गर्ने मानसिंह ऐरलाई दश हजार रुपैया जरीवाना समेत असुल गरिएको छ ।

प्रकाशित मिति: बिहीबार, साउन २३, २०७६ १८:०८