निर्मला हत्या प्रकरण - कन्चनपुरका तत्कालिन एसपी विष्टसँग साढे १० लाख धरौटी माग

समाज

गृहपृष्ठ
समाज
निर्मला हत्या प्रकरण - कन्चनपुरका तत्कालिन एसपी विष्टसँग साढे १० लाख धरौटी माग

निर्मला हत्या प्रकरण - कन्चनपुरका तत्कालिन एसपी विष्टसँग साढे १० लाख धरौटी माग

आइतबार, चैत १०, २०७५ गोदावरी न्युज

फोटो फाइल

महेन्द्रनगर -कञ्चनपुरकी १३ वर्षीया निर्मला पन्त बलात्कार तथा हत्या प्रकरणका अभियुक्त तत्कालिन एसपी डिल्लीराज विष्टलाई कन्चनपुर अदालतले धरौटीमा छोडन आदेश दिएको छ । आइतबार जिल्ला न्यायाधीश डा. राजेन्द्रकुमार आचार्यको इजालासले विष्टलाई साढे १० लाख धरौटीमा छोडन आदेश दिएको हो ।

यातनाविरुद्धको मुद्दामा साढे चार लाख र सार्वजनिक न्याय बिरुद्धको कसुरमा ६ लाख धरौटी आजै ४ बजे भित्र बुझाउनु पर्ने गरी विष्टमाथि सुनुवाई गरिएको हो ।तत्कालीन एसपी विष्टसहित आठै जना विरुद्ध निर्मलाकी आमा दुर्गादेवीले सार्वजनिक न्यायविरुद्धको कसुरमा प्रहरीमा मुद्दा दायर गरेकी थिइन् ।

यस्तै, एसपी विष्ट, डिएसपीद्वय सेठी र जिसी तथा इन्स्पेक्टर खड्काविरुद्ध दिलीपसिंह विष्टका दाजु खडकसिंह विष्टले यातना कसुरसम्बन्धी मुद्दा दायर गरेका थिए । अभियोग लागेका ६ जना यसअघि नै धरौटीमा रिहा भइसकेका छन् ।सीआईबीका डीएसपी अंगुर जिसी भने अझै सम्पर्कमा आएका छैनन्।

प्रकाशित मिति: आइतबार, चैत १०, २०७५ १३:०३