आज नेपाली कांग्रेसको पदाधिकारीहरुको बैठक बस्दै

राजनीति

गृहपृष्ठ
राजनीति
आज नेपाली कांग्रेसको पदाधिकारीहरुको बैठक बस्दै

आज नेपाली कांग्रेसको पदाधिकारीहरुको बैठक बस्दै

आइतबार, असार १३, २०७८ गोदावरी न्युज

काठमाण्डौ - नेपाली कांग्रेसको केन्द्रिय पदाधिकारीहरुको बैठक आज बस्दै छ । क्रियाशील सदस्यता छानबिन समितिका सदस्यहरुसहित आज पदाधिकारी बैठक बस्दै छ । बैठक दिउँसो दुई बजे पार्टी कार्यालय सानेपामा बोलाइएको छ ।

महाधिवेशनबारे छलफल गर्न पदाधिकारी बैठक बोलाइएको कांग्रेस प्रवक्ता विश्वप्रकाश शर्माले जानकारी दिए । कांग्रेसले भदौ १६ देखि १९ गतेसम्म काठमाडौंमा १४ औं महाधिवेशन गर्ने गरी कार्यतालिका अनुमोदन गरिसकेको छ ।

महाधिवेशनका लागि दुई महिना बाँकी भए पनि क्रियाशील सदस्यता विवाद टुङ्गिएको छैन। रमेश लेखक नेतृत्वको क्रियाशील सदस्यता छानविन समितिले उजुरीमाथि छानविन गरिरहेको छ ।

आजको पदाधिकारी बैठक क्रियाशील सदस्यता छिटो टुंग्याउनेबारे केन्द्रित हुने छ । समितिलाई सदस्यता टुङ्ग्याउन असार २० गतेसम्मको समय दिइएको छ ।

तर समितिले मापदण्ड बनाउन नसक्दा नयाँ सदस्यको हकमा आएका उजुरीमाथि काम गर्न सकेको छ । कांग्रेसमा पुराना ४ लाख ७० हजार क्रियाशील सदस्य छन् ।

१४ औं महाधिवेशनमा शतप्रतिशत सदस्यता बढाउने निर्णयपछि कांग्रेसमा क्रियाशील सदस्यता झण्डै दश लाख पुग्ने अनुमान गरिएको छ ।

प्रकाशित मिति: आइतबार, असार १३, २०७८ १०:१३