सुदुरपश्चिम प्रदेश सरकार जुगाडको भरमा चलेको काँग्रेस नेता रावलको आरोप

राजनीति

गृहपृष्ठ
राजनीति
सुदुरपश्चिम प्रदेश सरकार जुगाडको भरमा चलेको काँग्रेस नेता रावलको आरोप

सुदुरपश्चिम प्रदेश सरकार जुगाडको भरमा चलेको काँग्रेस नेता रावलको आरोप

शुक्रबार, जेठ २१, २०७८ गोदावरी न्युज

धनगढी -नेपाली कांग्रेसका संसदिय दलका नेता रण बहादुर रावलले अहिलेको सुदुरपश्चिमको प्रदेश सरकार जुगाडको सरकार भएको आरोप लगाएका छन । उनले प्रदेश सभाको आजको आठौ बर्खे अधिबेशनमा बोल्दै यस्तो बताएका हुन ।

'यो प्रश्न जनताको हो त्यसैले जनताको शब्द सापट लिएर म भन्दै छौ सरकार कमिसनको भरमा चलेको छ,' उनले भने,' यो सरकार नेतामुखी भयो , नेताको गुलामी गर्ने मात्रै काम भयो , यो पनि जनताको शब्द सापट लिएको छु ।' नेता रावलले अब आउने बजेट जनमुखी बनाउनु पर्ने बताए ।

'यो बजेट अधिबेशन पनि भएकाले सफलताको शुभकामना दिन चाहान्छु,' नेता रावलले भने,' बजेट बिगतको जस्तो नहोस, कम्तीमा लोककल्याणकारी बजेट ल्याउन सरकारलाई सफलता मिलोस।'

उनले नेपालको संबिधान माथि अहिले पनि खतरा रहेको बताए । उनले घुमाउरो पारामा संबिधानलाई बचाउने कुरो प्रधानमन्त्री र राष्ट्रपतीको हुनुपर्नेमा झनै उनिहरुबाट संबिधान माथी प्रहार भएको आरोप लगाए । सुदुरपश्चिम प्रदेश सरकार अल्पमतमा परेकाले अब मुख्यमन्त्रीले विश्वासको मत लिनुपर्नेमा उनले जोड दिए ।

प्रकाशित मिति: शुक्रबार, जेठ २१, २०७८ १६:२५