जोरायल गाउँपालिका–४ वडा कार्यालयमा अज्ञात समूहद्धारा आगजनी

समाज

गृहपृष्ठ
समाज
जोरायल गाउँपालिका–४ वडा कार्यालयमा अज्ञात समूहद्धारा आगजनी

जोरायल गाउँपालिका–४ वडा कार्यालयमा अज्ञात समूहद्धारा आगजनी

मंगलबार, साउन ७, २०७६ गोदावरी न्युज

डोटी- जिल्लाको जोरायल गाउँपालिका–४, लक्ष्मीनगरमा रहेको वडा कार्यालयमा गएराति अज्ञात समूहद्धारा आगजनी गरिएकोे छ । अज्ञात समूहले गएराति करिब १ बजेको समयमा आगजनी गरेको जिल्ला प्रहरी कार्यालय डोटीका प्रहरी प्रवक्ता तथा प्रहरी नायब उपरीक्षक लालबहादुर धामीले जानकारि दिए ।

आगजनीबाट उक्त वडा कार्यालयको वडाअध्यक्ष तथा वडासचिवको कोठामा भएका सम्पूर्ण सरसामान जलेर नष्ट भएको वडाध्यक्ष नन्दराज भट्टले बताए । अज्ञात समूहको आगजनीबाट झण्डै पाँच लाखको क्षती भएको अनुमान गरिएको छ ।

वडा कार्यालय नजिकै दलालहरु होसियार, भ्रष्टचारी खबरदार, साङ्लो फिलिम चाहिंदैन, भ्रष्टाचार गर्न पाईंदैन, जोरायल गाउँपालिका अध्यक्ष दुर्गा ओझा मुर्दावाद लगायतका नारा लेखिएको पर्चा समेत भेटिएको प्रहरीले जनाएको छ । विप्लव समूहका कार्यकर्ताले आगजनी गरेको हुनसक्ने प्रहरीको अनुमान छ ।

प्रकाशित मिति: मंगलबार, साउन ७, २०७६ ०३:०७