अत्तरिया - कैलालीको अत्तरियामा यही चैत २७ गतेदेखी अन्तर माध्यामिक बिधालय स्तरिय भलिबल प्रतियोगिताको आयोजना हुने भएको छ ।
आयोजक जनसाहारा मासिक पत्रिकाले आज अत्तरियामा पत्रकार सम्मेलनको आयोजना गर्दै यही चैत २७ , २८ र २९ गते तिन दिन सम्म बिधालय स्तरिय भलिबल प्रतियोगिताको आयोजना गर्न लागेको जानकारी दिएको हो ।
गोदावरी नगरपालिका वडा नं २ उत्तर बनखेतमा रहेको सु.प मा.विको खेल मैदानमा हुने उक्त प्रतियोगितामा कैलाली कञ्चनपुरका ८ देखी १० बिधालयका टिमहरुले सहभागिता जनाउने खेल संयोजक गणेशनाथ योगीले जानकारी दिए ।
सो प्रतियोगिताको पहिलो हुने टिमले रु १० हजार , दृतिय हुने टिमले रु ५ हजार र तृतिय हुने टिमले नगद रु ३ हजार सहित ट्रफि , मेडल र प्रमाण पत्र प्राप्त गर्ने उनले बताए । कैलाली कञ्चनपुरमा रहेको मा.वि स्तरका जुनसुकै बिधालयका बिधार्थीले पनि टिम बनाएर प्रतियोगितामा सहभागिता जनाउन सक्नेछन् ।
यसमा सम्बन्धित बिधालयका २ जना शिक्षकहरुले पनि खेलमा सहभागिता जनाउन पाउने संयोजक योगीले बताए ।
प्रतियोगितामा सहभागिता जनाउनका लागि रु १ हजार दर्ता शुक्ल तोकिएको आयोजक जनसाहारा मासिक पत्रिकाले जनाएको छ ।
अत्तरिया क्षेत्रमा कोरोनाका कारणले गर्दा लामो समयदेखी ठप्प रहेका खेलकुदका गतिबिधि बिस्तारै सुरु हुन थालेका छन् । प्रतियोगितामा सहभागिता जनाएर र खेल अबलोकन गरेर सहयोग गरिदिन संयोजक योगीले सबैमा आग्रह गरेका छन् ।
