दार्चुलामा आफैंले चलाएको ट्याक्टरले च्यापिएर चालकको मृत्यु

दुर्घटना

गृहपृष्ठ
दुर्घटना
दार्चुलामा आफैंले चलाएको ट्याक्टरले च्यापिएर चालकको मृत्यु

दार्चुलामा आफैंले चलाएको ट्याक्टरले च्यापिएर चालकको मृत्यु

बिहीबार, कात्तिक १३, २०७७ गोदावरी न्युज

दार्चुला- आफैंले चलाएको ट्याक्टरले च्यापिएर चालकको मृत्यु भएको छ । दार्चुला जिल्लाको अपि हिमाल गाउँपालिका ५ घोडेभित्तामा ट्याक्टरमा च्यापिएर बुधबार राति ३२ वर्षीय चालक प्रेम थापाको मृत्यु भएको जिल्ला प्रहरी कार्यालय दार्चुलाले जानकारी दिएको छ । उनको स्थायी ठेगाना दाङ हो ।

लटिनाथानबाट मकरीगाड हाइड्रो पावरमा सिमेन्ट लैजाने क्रममा उनलाई आफैंले चलाएको ट्याक्टरले च्यापेको थियो ।ट्याक्टर रोकेर शौचका लागि सडक किनारमा गएका थापाको अचानक गुडेको ट्याक्टरले च्यापेर घटनास्थलमै मृत्यु भएको जिल्ला प्रहरी कार्यालय दार्चुलाका सूचना अधिकारी भास्कर चन्दले बताए ।

अहिले सवलाई पोष्टमाटमका लागि गोकुलेश्वर अस्पताल ल्याइएको छ । दाङबाट मृतकका आफन्त आइपुगेपछि पोष्टमाटम गरिने प्रहरी निरीक्षक चन्दले बताए ।

प्रकाशित मिति: बिहीबार, कात्तिक १३, २०७७ १३:५४

प्रतिक्रिया दिनुहोस्