सीमा क्षेत्रमा प्रहरीको बिभत्स तरिकाले हत्या भएपछि बढाइयो निगरानी

समाज

गृहपृष्ठ
समाज
सीमा क्षेत्रमा प्रहरीको बिभत्स तरिकाले हत्या भएपछि बढाइयो निगरानी

सीमा क्षेत्रमा प्रहरीको बिभत्स तरिकाले हत्या भएपछि बढाइयो निगरानी

शुक्रबार, कात्तिक ७, २०७७ गोदावरी न्युज

अत्तरिया - कैलालीमा सिमा क्षेत्रमा नेपाल प्रहरीका असई र प्रहरी जवानको बिभत्स तरिकाले हत्या भएपछि सिमा क्षेत्रमा प्रहरीले निगरानी बढाएको छ । धनगढी उपमहानगरपालिका १२ जुगेडा अस्थायी प्रहरी पोष्टका इन्चार्ज असई गोविन्द विक र प्रहरी जवान रामबहादुर साउदको तस्कारले हत्या गरेपछि प्रहरी प्रधान कार्यालयको निर्देशनमा सीमा क्षेत्रमा प्रहरीले निगरानी बढाएको हो ।

अहिले सीमा क्षेत्रमा तैनाथ शसस्त्र प्रहरीलाई पनि चनाखो हुन र नेपाल प्रहरीसँग समन्वय गरेर अगाडी बढ्न भनिएको छ । सीमा क्षेत्रमा हुने चोरी तस्करीका क्रममा जुगेडामा मारिएका दुई प्रहरीको घटनामा शसस्त्र प्रहरीले थाहा नपाएको भन्दै आलोचना भएपछि यस्तो आदेश दिईएको हो ।

प्रहरी हत्यामा संग्लन भएको आरोपमा आठ जना पक्राउ पछि उनीले अपराध स्वीकार गरेपनि प्रहरीले घटनाको अनुसन्धानलाई तस्कर र तस्करीतिर पनि लगेर अनुसन्धान अघि बढाएको जनाएको छ । जुगेडाको घटनापछि सादा पोशाकमा संख्या बढाएर प्रहरी परिचालन गरिएको छ ।

सीमा क्षेत्रमा पनि बाक्लो संख्यामा सादा पोशाकका प्रहरी तैनाथ गरिएका छन् । प्रहरी प्रधान कार्यालय पनि तस्करीहरुको जालो तोड्न आक्रमक रुपमा अगाडी बढेपछि प्रहरी सक्रिय भएको हो ।

घटनालाई लिएर नेपाल र भारतमा हुने सीमा वारपारको तस्करी रोक्न प्रहरीलाई सर्कुलर गरिएको छ । एक जना उच्च पदस्थ प्रहरीका अनुसार जारी गरिएको सर्कुलरमा प्रहरीलाई गोली हान्नेसमको आदेश दिईएको छ ।

सुदुरपश्चिम सरकारका साथै स्थानीय प्रशासनले पनि सुरक्षा अधिकारीहरुलाई सीमा सुरक्षा व्यवस्था चुस्तदुरुस्त बनाउन निर्देशन दिएका छन् ।

प्रकाशित मिति: शुक्रबार, कात्तिक ७, २०७७ ०७:५९